आशाताई बच्छाव
रयत क्रांती संघटनेच्या दोन दिवसीय कार्यकर्ता शिबिराला सुरुवात…! चाळीसगाव प्रतिनिधी विजय पाटील
शेतकरी चळवळीतील कार्यकर्त्याची जडणघडण ही शिबिरातूनच घडत असते. शेतकरी चळवळीला एक समृद्ध वैचारिक परंपरा आहे आणि आजचा कार्यकर्ता केवळ भावनेवर नाही तर विचारांवर आधारलेला असावा, म्हणुन एस. के. इंटरनॅशनल सैनिक स्कूल, इस्लामपूर ता. वाळवा जि. सांगली येथे रयत क्रांती संघटनेचे नेते आमदार सदाभाऊ खोत यांच्या नेतृत्वाखाली दोन दिवसीय कार्यकर्ता शिबिराचे आयोजन करण्यात आले आहे.
या शिबिराला रयत क्रांती संघटनेचे राज्यातील पदाधिकारी व प्रमुख कार्यकर्ते उपस्थित राहणार आहेत. संघटनेला पूरक असे विविध विषय घेऊन प्रा. सुहास पाटील सर, प्रा. गणेश लोळगे, प्रा. जालिंदर पाटील सर, श्रीमती सोनल भोसकर, दि.बा. पाटील सर, श्री.अमर हबीब काका, श्री. थोरात सर, सागर खोत हे मान्यवर या दोन दिवसीय शिबिराला संबोधित करणार आहेत.
