आशाताई बच्छाव
ट्रक-दुचाकी अपघातात भाचा ठार तर मामा गंभीर
युवा मराठा न्यूज बुलढाणा जिल्हा ब्युरो चीफ संजय पन्हाळकर
बुलडाणा :-मोताळा एकीकडे प्रचंड
उन्हाचा प्रकोप सुरु असून त्यामध्ये या आठवड्यात मोठ्या प्रमाणात लग्नसराईची धूम सुरु आहे. त्यामुळे रस्त्यावर वाहनांची प्रचंड वर्दळ होत आहे. अशाच धामधुमीच्या काळात विटांनी भरलेल्या ट्रकची व मोटार सायकलची जोरदार धडक होवून मोटारसायकल वरील एकाच्या मेंदूचा चेंदामेंदा होवुन त्याचा जागीच मृत्यू झाला तर त्याचा नात्याने मामा असलेला ४५ वर्षीय इसम गंभीर जखमी झाल्याची घटना मोताळा-मलकापूर रोडवरील तालखेड फाट्याजवळ ५ मे रोजी दुपारी ११ वाजेदरम्यान घडली. हा अपघात एवढा भयानक होता की, यामधील लग्नठरलेल्या युवकाचा मेंदू बाहेर पडून त्याचा घटनास्थळावरच मृत्यू झाला.
याबाबत सविस्तर असे की, वडगाव ता. मोताळा येथील सुरेश मुरलीधर लोखंडे वय ४५ वर्षे व नात्याने त्यांचा भाचा असलेला अजय संजय कावने वय २९ रा. दाताळा हे दोघे जण डिलक्स मोटारसायकल क्र. एम. एच. १९ टी एस ००४१ या दुचाकीवर मलकापूरकडे जात होते. दरम्यान समोरुन विटांनी भरलेला ट्रक क्र. एम. एच. १६ ए वाय ०९३० दुचाकीला जोरदार धडक दिली. यामध्ये मोटारसायकल वरील अजय संजय कावने रा. दाताळा याचा मेंदूचा अक्षरशः चुराडा होवून त्याचा जागीच मृत्यू झाला तर नात्याने मृतकाचा मामा असलेले सुरेश मुरलीधर लोखंडे रा. वडगाव हे गंभीर जखमी झाले असून त्यांचे दोन्ही पाय फॅव्रचर झाले आहेत.
त्यांच्यावर बुलडाणा येथे
खाजगी दवाखान्यात उपचार सुरु आहे. मृतक याचा नुकताच विवाह लोखंडे परिवारातच पक्का झालेला असल्याची माहिती घटनास्थळावर दोन्हीच्या नातेवाईकांनी दिली असून घटनास्थळावर दोन्हीच्या नातेवाईकांनी प्रचंड आक्रोश केला. यावेळी बोराखेडी पोस्टेचे एपीआय शेंगेपल्लु, एएसआय शरद खर्चे, एनपीएल प्रवीण पडोळ यांनी घटनास्थळावर जावुन पंचनामा केला. ट्रक बोराखेडी पोस्टेला जमा केलेला असून वृत्तलिहेपर्यंत गुन्हा दाखल झालेला नाही.
