आशाताई बच्छाव
अंबाजोगाईच्या सिव्हिल हॉस्पिटलमध्ये दोन गटात तुफान हाणामारीत आठ गंभीर
मोहन चव्हाण
ब्युरो चीफ बीड जिल्हा
बीड/अंबाजोगाई दि: २२ – अंबाजोगाई शहरातील स्वामी रामानंद तीर्थ वैद्यकीय महाविद्यालय व ग्रामीण रुग्णालय अपघात विभागात दोन गटात तुफान हाणामारी झाली. तेथील महाराष्ट्र सुरक्षा दलाच्या सुरक्षारक्षकांनी वेळीच हस्तक्षेप केल्याने मोठा अनर्थ टळला. अंबाजोगाई नगरीत आनंदनगरी हे लहान मोठ्यांसाठी विरंगुळा म्हणून राहटपाळणे विविध खेळाचे, पदार्थाचे दुकाने असलेला समूह आनंद नगरी म्हणून अंबाजोगाईत आला होता. यात समोरासमोर असलेल्या दोन गटात मारामाऱ्या झाल्या त्यानंतर ते उपचारार्थ शासकीय रुग्णालयात गेले असता तिथे हे दोन्ही गट पुन्हा आमने सामने आले व अपघात विभागात एकमेकांना भिडले व तुफान हाणामारी चालू झाली. या हाणामारीत आठ जण गंभीर जखमी झाले असून तेथील डॉक्टर, नर्सेस व कर्मचारी आपला जीव मुठीत घेऊन बसले होते. तेथे उपचारार्थ असलेले रुग्ण घाबरून गेले अशातच तेथील सुरक्षारक्षकांनी मध्यस्थी करत हाणामारी करणाऱ्यांना चांगलाच चोप दिला तेव्हा परिस्थिती नियंत्रणात आली. त्यानंतर पोलिसांनी येऊन मोर्चा सांभाळला असून सध्या स्वामी रामानंद तीर्थ वैद्यकीय महाविद्यालय व रुग्णालयाला पोलीस छावणीचे रूप आले आहे. तरी या घटनेची गंभीर दखल घेत वरिष्ठ पोलीस अधिकाऱ्यांनी यात जातीने लक्ष घालावे अशी रुग्णालयीन वरिष्ठ डॉक्टरअधिकाऱ्यांची व नागरिकांची मागणी आहे.
