आशाताई बच्छाव
(भिला आहेर तालुका प्रतिनिधी)
देवळा :- मेशी येथे धाडसी चोरी रोख रकमेसह लाखो रुपयांचा ऐवज लंपास.
मेशी ता. देवळा येथे जगदंबा माता चौकापासून हाकेच्या अंतरावर राहत असणाऱ्या दिलीप तारू शिरसाठ यांच्या राहत्या घरी घरात कोणी नसल्याचा फायदा घेत अज्ञात चोरट्यांनी रात्रीच्या सुमारास घराचे कुलूप तोडून एक लाख एकोनसत्तर हजार रुपये किमतीचे सोने व रोख रक्कम दीड लाख रुपये असा ऐवज लंपास केला .शिरसाठ हे पत्नी ,मुलगा व सुना यासोबत दि.२१ एप्रिल रोजी मळ्यात मुक्कामी होते घराला कुलूप असल्याने रात्रीच्या वेळी चोरट्यांनी घराचे कुलूप तोडुन घरात शिरले व कपाटाचे देखील कुलूप तोडत लाखो रुपयांचा ऐवज लंपास केला सकाळी शेजारी राहत असलेल्यांच्या लक्षात आले की शिरसाठ यांच्या घराचे कुलूप तोडण्यात आले आहे त्यामुळे त्यांनी तात्काळ शिरसाठ यांना कळविले. शिरसाठ यांनी तात्काळ देवळा पोलीस ठाण्यात फिर्याद दिली असता देवळा पोलीस ठाण्याचे सहाय्यक पोलीस निरीक्षक दीपक पाटील घटनास्थळी दाखल होत पंचनामा केला असून अज्ञात चोरट्यांविरोधात भा. द.वि. कलम 457, 380 नुसार देवळा पोलीस ठाण्यात गुन्हा दाखल करण्यात आला असून घटनेचा पुढील तपास सहाय्यक पोलीस निरीक्षक दिपक पाटील हे करीत आहेत.
दरम्यान सुमारे अडीच महिन्यांपूर्वी गावातील एक किराणा दुकान चोरट्यांनी फोडले त्या घटनेचा तपास लागत नाही तोच चोरट्यांनी दुसरी मोठी चोरी केली असल्याने पोलिसांसमोर तपासाचे मोठे आव्हान उभे राहिले आहे.
