आशाताई बच्छाव
जालना शहरातील बडी सडक रोडवर गतीरोधक बसविण्याची नागरिकांची मागणी
जिल्हा प्रतिनिधी जालना-वसंतराव देशमुख
दिनांक -16/04/2024
याविषयी सविस्तर वृत्त असे की, जालना शहरातील प्रसिद्ध अशी बडी सडक या रस्त्याचे सिमेंट बांधकाम करण्यात आले असून रस्ता चांगला झाल्याने या रस्त्यावर सुरुवातीपासूनच रहदारी जास्त होती आणि आता रस्ता झाल्यापासून जास्तीची रहदारी वाढली आहे.परंतु बडी सडक रोडवर सतत अति वेगवान व सुसाट वेगाने वाहने चालविणाऱ्यांची संख्याही वाढली आहे.या अनियंत्रित वेगाने चालणाऱ्या वाहनांमुळे येथील रहिवासी व ये -जा करणाऱ्या वयोवृद्ध व्यक्ती, पुरुष,महिला, शाळकरी विद्यार्थ्यांच्या जीवित्वास धोका निर्माण झाला आहे.या रस्त्यावर अनेक अपघात होत आहेत. भविष्यातील अपघात रोखण्यासाठी जालना महानगर पालिका प्रशासनाने बडी सडक रोडवर गतीरोधक बसविण्याची मागणी नागरिकांनी केली आहे.
विशेष म्हणजे शहरात बुलेट सारख्या गाड्यांच्या आवाजाने फार मोठा ध्वनी प्रदूषणाचा प्रश्न निर्माण झाला आहे. या कर्कश आवाजाने नागरिकांना विनाकारण त्रास सहन करावा लागत आहे.याकडेही पालीका प्रशासन व पोलिस प्रशासनाने लक्ष देऊन संबंधित वाहन चालकांवर वाहन कायद्याअंतर्गत कारवाई करण्याचीही मागणी नागरिकांनी केली आहे.विशेष म्हणजे रस्त्यावर कसेही वाहने उभी करण्यात येतात त्यामुळे ये -जा करणाऱ्या नागरिकांना अडचण निर्माण होते.अशा वाहनधारकांनाही समज देऊन शिस्त लावण्यासाठीही प्रयत्न करणे गरजेचे आहे.कुठलीही अनुचित दुर्घटना घडण्याअगोदरच पालीका प्रशासनाने नागरिकांच्या मागणीचा प्रामुख्याने विचार करून त्वरित बडी सडक रोडवर गतीरोधक बसविण्यात यावेत अशी रास्त मागणी शहरातील नागरिकांनी पालीका प्रशासनाकडे केली आहे.