आशाताई बच्छाव
कुच्चरवटा येथील कुंटण खाण्यावर छापा टाकून 03 पुरुष आरोपीसह 01कुंटनखाना चालविणारी महिला अटकेत.
जिल्हा प्रतिनिधी जालना-वसंतराव देशमुख
दिनांक 17/04/2024
याविषयी सविस्तर माहिती अशी की, जुना जालना भागांमधील कुच्चरवटा,आमिर नगर येथे एक महिला कुंटणखाना चालवित असल्याची माहिती प्राप्त झाल्याने त्यांच्यावर कारवाई करण्याबाबत मा. पोलीस अधीक्षक श्री अजय कुमार बन्सल यांनी स्थानिक गुन्हे शाखेचे पोलीस निरीक्षक श्री रामेश्वर खनाळ यांना सूचना दिल्या होत्या.
त्याअनुषंगाने दिनांक 16/0 4/ 2024 रोजी अमीरनगर जुना जालना येथे महिला नामे जाकीराबेगम मोईनुद्दीन खान राहणार जालना ही तिच्या घरामध्ये स्वतःच्या आर्थिक फायद्यासाठी रूम करून बाहेरून स्त्रियांना आणून वेश्याव्यवसाय करीत असल्याची माहिती मिळाल्याने सदर ठिकाणी छापा टाकून त्या ठिकाणी कुंटणखाना चालविणारी महिला नामे जाकीराबेगम मोहिनुद्दीन खान वय ४९ वर्ष राहणार कुच्चरवटा अमीर नगर जालना, 03 पीडित महिला, 03 पुरुष असे मिळून आले असून त्यांच्या ताब्यातून रुपये 5230 रोख व पाच मोबाईल असा एकूण 45 230 रुपयांचा मुद्देमाल मिळून आला आहे. त्यानुसार त्यांना ताब्यात घेऊन कुंटणखाना चालविणारी महिला आरोपीं जाकीरा बेगम मोईनुद्दीन खान वय ४९ वर्ष राहणार कुच्चरवटा अमीर नगर जालना व तेथे आढळून आलेले पुरुष आरोपी नामे 1)अनिल जालिंदर मिसाळ वय 28 वर्षे राहणार मांडवा तालुका बदनापूर जिल्हा जालना 2)बाळू दशरथ शिंदे वय 46 वर्ष राहणार बिडकीन तालुका पैठण जिल्हा छत्रपती संभाजी नगर 3) आफताब शफिक शेख वय 30 वर्ष राहणार संभाजीनगर जालना यांचे विरुद्ध पोलीस उपनिरीक्षक राजेंद्र वाघ यांच्या सरकारतर्फे फिर्यादीवरून कदीम जालना पोलीस ठाणे येथे गुन्हा दाखल करण्यात आला आहे.
सदरची कारवाई मा. पोलीस अधीक्षक श्री अजय कुमार बन्सल व मा. अप्पर पोलीस अधीक्षक श्री आयुष नोपाणी यांच्या मार्गदर्शनाखाली स्थानिक गुन्हे शाखेचे पोलीस निरीक्षक श्री रामेश्वर खानाळ, सहा. पोलीस निरीक्षक श्री योगेश उबाळे, पोलीस उपनिरीक्षक राजेंद्र वाघ, पोलीस अमलदार सॅम्युअल कांबळे, कृष्णा तंगे, सचिन चौधरी, फुलचंद गव्हाणे, सुधीर वाघमारे, रमेश राठोड, इर्शाद पटेल ,सतीश श्रीवास, महिला पोलीस अमलदार शडमल्लू,आर.डि. बांडे सर्व जालना यांनी केली आहे.