जाफराबाद सह तालुक्यातील माहोरा, टेंभुर्णी येथे मुसळधार पाऊस विज पडून एक म्हैस ठार

आशाताई बच्छाव

जाफराबाद सह तालुक्यातील माहोरा, टेंभुर्णी येथे मुसळधार पाऊस विज पडून एक म्हैस ठार
माहोरा प्रतिनीधी-मुरलीधर डहाके
दिनांक 16/04/2024/
सविस्तर वृत्त असे की,जाफराबादसह तालुक्यातील माहोरा व टेंभुर्णी येथे दिनांक 16 रोज मंगळवार या दिवशी दुपारी पाच वाजता अचानक आभाळ येवून वादळी वाऱ्यासह पावसाला सुरुवात झाली. पाऊस आणि वारा खूप मोठ्या प्रमाणात अचानक सुरू झाल्यामुळे शेतकरी वर्गात घबराट निर्माण झाली. वारा आणि पाऊस सुरू असताना विजांचा कडकडाटही मोठया प्रमाणात होता. शेतकऱ्यांचे अवकाळी पाऊसात कांदा व मका पिकाचे खूप मोठ्या प्रमाणत नुकसान झाले आहे. चार पाच दिवसा अगोदरही वारा आणि गारांचा पाऊस झाला होता. त्यातही मोठ्या प्रमाणत शेतकऱ्यांचे नुकसान झाले होते. तरी शासन दरबारी दखल घेऊन पंचनामे करून शेतकऱ्यांना आर्थिक मदत करावी अशी शेतकरी वर्गातून मागणी होत आहे. टेंभूर्णी येथील शेतकरी श्री संतोष शिंदे यांची म्हैस झाडाखाली बांधलेली होती.त्या म्हसीला गोठ्यात घेऊन जाण्याच्या तयारीत होते परंतु त्याअगोदर विज कोसळून म्हैस जागीच ठार झाली. म्हैस अंदाजे एक लाख रुपये किंमतीची होती. तरी तहसीलदार साहेबांनी पंचनामा करून संतोष शिंदे यांना आर्थिक मदत मिळवून द्यावी अशी मागणी टेंभूर्णी गावकऱ्यांकडून होत आहे.