आशाताई बच्छाव
नागरिकांची तहान भागवण्यासाठी पाणपोईचा आधार अँड.मनोज संकायेचा स्तुत्य उपक्रम!
आयडीबीआय बँक जवळील संगम डिमोल्युशन येथे पाणपोईची सुरुवात !
मोहन चव्हाण
ब्युरो चिफ बीड जिल्हा
बीड/परळी दि: ०९ रोजी परळी शहरात
गुढीपाडवा आणि मराठी नववर्षाच्या शुभमुहूर्ताचे औचित्य साधून परळी येथील सामाजिक कार्यकर्ते अँड.मनोज संकाये मित्र मंडळाच्या वतीने मोंढा मार्केट परिसरातील आयडीबीआय बँक शेजारी संगम डिमोल्युशन येथे नागरिकांना पिण्याच्या पाण्याची सोय व्हावी म्हणून पाणपोईची सुरुवात करून उद्घाटन करण्यात आले. पाणपोईच्या थंडगार पाण्याचा नागरिकांनी लाभ घ्यावा असे आवाहन मित्रमंडळाच्या वतीने करण्यात आले आहे. उन्हाळ्यामध्ये उन्हाची आणि उष्णतेची तीव्रता मोठ्या प्रमाणावर जाणवू लागली आहे. या एप्रिल महिन्यात अतिशय कडक उन्हाळा नागरिकांना जाणवू लागला आहे. तापमानाची पातळी चाळीस अंश सेल्सिअस एवढ्यावर जाऊन पोहोचले आहे. नागरिकांना पिण्याच्या पाण्यासाठी भटकंती करावी लागत आहे. परळी हे तालुक्याचे ठिकाण असल्यामुळे खेडेगावातील तसेच शहरातील आणि परिसरातील नागरिक कामानिमित्ताने तालुक्याच्या ठिकाणी येत असतात. पिण्याच्या पाण्याची सर्वत्र टंचाई असल्यामुळे मोंढा मार्केट येथे त्यांची सोय व्हावी म्हणून पाणपोईची सुरुवात केली आहे. याचा नागरिकांनी लाभ घेण्याचे आवाहन मित्र मंडळाच्यावतीने करण्यात आले आहे. यावेळी ८२ व्या तपोवनष्ठान समितीचे अध्यक्ष व नगरसेवक चेतन सौंदळे, मोहन चव्हाण पत्रकार, अनिल चौधरी, जिरेवाडीचे उपसरपंच राहुल कांदे, रमेश चौधरी,गिरीश सलगिरे, रमेश संकाये, काशिनाथ सरवदे, शिवा बडे, संतोष कांबळे, सदानंद चौधरी, कैलास रिकिबे,संदीप मेहत्रनकर, राम गडदे, अशोक सुरवसे आदीसह मित्रमंडळाचे पदाधिकारी उपस्थित होते.
