आशाताई बच्छाव
धनंजय मुंडेंच्या बीड जिल्हावासियांना गुढीपाडवा निमित्त शुभेच्छा
मोहन चव्हाण
ब्युरो चिफ बीड जिल्हा
बीड/परळी दि: ०९ एकीकडे राज्यात व विशेष करून आपल्या बीड जिल्ह्यात दुष्काळ दृश्य परिस्थिती आहे. या परिस्थितीत हिंदू धर्मातील अत्यंत महत्वाचा साडेतीन मुहर्तापैकी एक असलेला गुढीपाडवा चल आपण साजरा करत आहोत, त्यात सर्वत्र लोकसभेच्या निवडणुका सुरू आहेत. अशात सणाच्या उत्सवाबरोबरच आपले स्नेहबंध जोपासत, सर्वाप्रति आपुलकी व विश्वास निर्माण करणारी एक गुढी यंदा उभारू; अशा शब्दात राज्याचे कृषिमंत्री तथा बीड जिल्ह्याचे पालकमंत्री धनंजय मुंडे यांनी बीड जिल्हावाशीयांना गुढीपाडव्याच्या शुभेच्छा दिल्या आहेत. चैत्र शुद्ध प्रतिपदा, अर्थात साडेतीन मुहूर्तापैकी एक असलेला गुढीपाडव्याचा आज सण आहे. आनंद, स्नेह, आपुलकी, वृद्धिंगत करणारा व सामाजिक एक्याची जपवणूक करणारा हा सण साजरा करताना सर्वांनाच त्यात संमिलित करून घेऊ. असा संदेश धनंजय मुंडे यांनी दिला आहे. दरम्यान गुढीपाडव्याच्या नंतर दोनच दिवसात रमजान ईदचेही पर्व संबंध जगभरात मुस्लिम समाज साजरे करणार आहे. तेव्हा सामाजिक सलोखा व बंधुभाव जपण्याची ही दुहेरी संधी असल्याचेही धनंजय मुंडे यांनी आपल्या संदेशात म्हटले आहे.