आशाताई बच्छाव
सांगलीमध्ये लँड जिहाद चे प्रकरण उघडकीस
सांगली,(शरद चव्हाण ब्युरो चीफ)- श्रीमती कबाडे वय वर्षे 77 या सांगलीमध्ये राहतात यांचा मुलगा राष्ट्रीय स्वयंसेवक संघाचा स्वयंसेवक होता. त्याचे निधन मागच्या वर्षी अचानक झाले या महिलेचे मागे नातवंडे असतात ती पुणे येथे राहतात श्रीमती कबाडे यांचे रहाते घर गुलमोहोर कॉलनी येथे आहे. व त्यांचा एक वीस हजार चौरस फुटाचा मोकळा प्लॉट सह्याद्री नगर येथे आहे हे सर्व हेरून येथील लँड माफिया युनुस जमादार याने त्यांच्या वृद्धत्वाचा फायदा घेऊन या भूखंडाला कुंपण घालून तेथे एका रात्रीमध्ये शेड मारली व महावितरण कडे कनेक्शन मागणीचा अर्ज केला. या जागेचे बोगस मुखत्यार पत्र घेऊन त्याने हे सर्व काम केले आहे. हा सर्व एक कट असून हा एक लँडजिहादचा प्रकार आहे. यानंतर त्यांनी सौ नीता खेळकर यांना संपर्क साधला व या जमादार विरुद्ध श्रीमती कबाडे व त्यांची नात व नातू यांनी संजय नगर पोलीस स्टेशनमध्ये तक्रार दिली असता त्या इसमाविरुद्ध पोलीस स्टेशन मध्ये ट्रेस पासिंग चा गुन्हा दाखल केला. तथापी या आरोपीने शेड न काढता वकिलाचा सल्ला घेतल्याशिवाय मी काही करणार नाही असे पोलिसांना सांगून तो पोलीस स्टेशन मधून निघून गेला व कोर्टामध्ये त्याने स्टे मिळवण्याकरता अर्ज केला. या प्रकारामुळे हे कुटुंब गर्भगळीत होऊन त्यांनी सौ नीता केळकर यांना संपर्क साधला सौ.नीता केळकर यांनी पोलीस स्टेशनमध्ये जाऊन सर्व माहिती घेतली. बोगस कागदपत्राद्वारे दाखल केलेली केस कोर्टातून निर्णय व्हायला अनेक वर्षांचा कालावधी गेला असता हे ओळखून ,सौ.नीता केळकर यांनी दुसऱ्या दिवशी स्वतः जेसीबी बोलावून समोर उभे राहून त्यांनी शेड जमीन दोस्त केली. यानंतर हिंदू एकताचे नितीन शिंदे यांनी येऊन या कुटुंबाची विचारपूस केली हा जमीन बळवण्याचा प्रकार या इसमाने किंवा या प्रकारचा प्रकार आणखी कुठे घडला असल्यास आमच्याशी संपर्क साधावा असे आवाहन भाजपा नेत्या सौ. नीता केळकर व श्री नितीन राजे शिंदे यांनी केले आहे. या इसमाची संपूर्ण चौकशी करून या लँड माफियांविरुद्ध कायद्याचा सक्त बडगा उगारून अशा बळी गेलेल्या नागरिकांना दिलासा द्यावा अशी मागणी करण्यात आली आहे.