आशाताई बच्छाव
बीडमध्ये खळबळजनक घटना अल्पवयीन मुलीची हत्या; मुख्य आरोपीने विषारी द्रव प्राशन करून केला आत्महत्येचा प्रयत्न
मोहन चव्हाण
ब्युरो चीफ बीड जिल्हा
बीड दि: २४ मार्च २०२४ बीड ग्रामीण पोलीस ठाणे हद्दीतील घोसापुरी येथे नात्यातील आरोपींनी अल्पवयीन मुलीची हत्या केल्याची घटना शनिवारी रात्री ११:३० वाजताच्या सुमारास घडली असून या घटनेने बीड तालुक्यात एकच खळबळ उडाली आहे. या घटनेत एकूण ०५ आरोपींचा समावेश असून यातील ०३ आरोपींना पोलिसांनी ताब्यात घेतले आहेत. मुख्य आरोपीने विषारी द्रव्य प्राशन करून आत्महत्येचा प्रयत्न केला. त्यावर जिल्हा रुग्णालयात उपचार सुरू आहेत. पोलीस सूत्रांकडून मिळालेल्या माहितीनुसार, अश्विनी बन्सी माळी (वय १७ वर्षे ) रा. घोसापुरी ता. जि. बीड असे हत्या झालेल्या अल्पवयीन मुलीचे नाव आहे. मयत ही आरोपीच्या मामाची मुलगी असून नात्याने मामेभाऊ लागत असलेल्या आरोपींनी इतर चार जणांना सोबत घेऊन माझ्यासोबत लग्न का करत नाही? म्हणून होळी या आनंदाच्या सणाच्या पूर्वसंध्येला रात्री उशिरा हत्या केली. या घटनेने खळबळ उडाली असून, घटनेची माहिती मिळताच बीड ग्रामीण पोलीस ठाण्याचे पोलीस निरीक्षक शिवाजी बंटेवाड यांनी सहकार्यासह घटनास्थळी धाव घेतली. व तात्काळ तपासाची चक्रे फिरवून ०३ आरोपींना ताब्यात घेतले. यातील मुख्य आरोपीने विषारी द्रव्य प्राशन करून आत्महत्येचा प्रयत्न केला. त्यावर जिल्हा रुग्णालयात उपचार सुरू आहेत. या घटनेने जनतेत संतप्त प्रतिक्रिया व्यक्त केली जात आहे. आरोपीने अत्याचार केल्याचा संशय व्यक्त केला जात असून तो तपासात निष्पन्न होईल असे पोलिसांनी आश्वासन दिले असून पुढील तपास बीड ग्रामीण पोलीस करत आहेत.