आशाताई बच्छाव
सराफा व्यापाऱ्याला लुटणाऱ्या चोरट्यांना पोलिसांनी तासभरात पकडले
मोहन चव्हाण
ब्युरो चिफ बीड जिल्हा
बीड/गेवराई दि: १९ तलवाडा पोलीस ठाणे हद्दीतील मनुबाई जवळा परिसरातील एक सराफा व्यापारी धनसावंगी या ठिकाणी जात असताना मनुबाई शिवारात तिघांनी लुटले. या घटनेची माहिती मिळताच तलवाडा, गेवराई पोलीसांनी चक्र फिरवून, नाकाबंदी करून तिघांना ताब्यात घेतले. सदरील घटना आज सकाळी ०९ वाजताच्या सुमारास घडली आहे. सराफा व्यापारी व्यापारासाठी तलवाडा परिसरातील मनुबाई जवळा या मार्गाने धनसावंगी या ठिकाणी जात होता. रस्त्यातच तीन चोरटे वाट पाहत दबा धरून बसले होते. व्यापारी येताच शस्त्राचा धाक दाखवून त्याच्याकडील लाखो रुपये किमतीचे सोने, चांदीसह रोख रक्कम घेऊन पोबारा केला. व्यापाऱ्याने तात्काळ तलवाडा व गेवराई पोलिसांना माहिती दिली. माहिती मिळताच तलवाडा पोलीस ठाण्याचे सपोनि सोमनाथ नरके व गेवराई पोलीस ठाण्याचे सपोनि संतोष जंजाळ, सपोनि दीपक लंके यांनी तपासाची चक्रे फिरवून एक तासात तीन संशयित आरोपींच्या मुस्क्या आवळल्या असून यात एक गेवराईचा तर दुसरा अंबडचा आरोपी असल्याचे समजते. तिसऱ्या आरोपी संबंधित काही माहिती मिळू शकली नाही. याप्रकरणी गुन्हा दाखल करण्याची प्रक्रिया सुरू असून, गुन्हा दाखल झाल्यानंतर आरोपींची व सराफा व्यापाऱ्याचे नाव समोर येईल.
