आशाताई बच्छाव
परळीत सहा.पोलीस निरीक्षकाची रेल्वेखाली आत्महत्या; शरीराचे झाले दोन तुकडे
मोहन चव्हाण
ब्युरो चिफ बीड जिल्हा
बीड/परळी दि:०९ राज्य गुप्तचर विभागात (एसआयडी) कार्यरत असलेल्या पोलीस निरीक्षकाने परळी वैजनाथ येथे रेल्वे रुळावर आत्महत्या केल्याची घटना समोर आली असून या घटनेने एकच खळबळ उडाली आहे. बीड एसआयडीला सुभाष दुधाळ हे सहाय्यक पोलीस निरीक्षक म्हणून कार्यरत होते. काही दिवसापूर्वीच त्यांची पुणे येथे बदली झालेली आहे. त्यांच्या मृतदेहाजवळ एक चिठ्ठीही सापडली असून यातून या आत्महत्याचे कारण समोर येणार आहे. काही महिन्यापूर्वी बीड येथून बदली होऊन सध्या पुणे येथे एसआयडी विभागात कार्यरत असलेले सुभाष दुधाळ यांचा मृतदेह आज सकाळी परळी रेल्वे स्टेशन परिसरात उड्डाणपुलाखालील रेल्वे रुळावर आढळून आला. शुक्रवारी रात्री नंतर पोलीस निरीक्षक दुधाळ यांनी रेल्वे गाडीखाली येऊन आत्महत्या केली असल्याची प्राथमिक माहिती पोलिसांना दिली आहे. परळी रेल्वेस्टेशन मास्तर यांनी आज सकाळी सहा वाजताच्या सुमारास रेल्वे पोलीस स्टेशनमध्ये रेल्वेगाडीखाली एका व्यक्तीचा मृतदेह आढळून आल्याची माहिती कळविली. यावरून सहाय्य पोलीस निरीक्षक परमेश्वर सोगे, पोलीस उपनिरीक्षक साबळे, जमादार बाबासाहेब फड, राजू राठोड, सातपुते व इतर कर्मचाऱ्यांनी घटनास्थळी भेट दिली. उड्डाण पुलाजवळील रेल्वे पटरीवर एका जणाचा दोन तुकडे झालेला मृतदेह आढळून आला. मयत व्यक्तीचे नाव सुभाष दुधाळ असल्याची माहिती रेल्वे पोलीस स्टेशनचे सहाय्य पोलीस निरीक्षक परमेश्वर सोगे यांनी दिली. काही महिन्यापूर्वी बीड येथून बदले होऊन सध्या पुणे येथे एसआयडी विभागात कार्यरत असलेले पोलीस निरीक्षक सुभाष दुधाळ यांचा हा मृतदेह आहे. मृतदेहाचे दोन तुकडे झाले आहेत. दरम्यान ही आत्महत्या आहे की संशयास्पद मृत्यू याबाबत कोणतेही अद्याप स्पष्टता आलेली नाही. मात्र या मृतदेहाजवळ एक चिठ्ठी सापडली असल्याचे पोलिसांनी सांगितले आहे. या चिट्टीच्या अनुषंगानेच या मृत्यू मागचे कारण समोर येणार आहे. या घटनेने एकच खळबळ उडाली आहे.
