आशाताई बच्छाव
आजच्या मॉडर्न युगात युवतींनी सजग राहावे- ॲड. महेंद्र गोस्वामी
संजीव भांबोरे
भंडारा (जिल्हा प्रतिनिधी )लैंगिक अत्याचारापासून बालकांचे संरक्षण या कायद्यावर एक दिवसीय परिसंवादाचे आयोजन डॉ.बलखंडे महाविद्यालयात करण्यात आले होते. या परिसंवादाचे अध्यक्ष स्थानी महाविद्यालयाचे प्राचार्य डॉ.रमेश बन्सोड हे होते.तर प्रमुख उपस्थितीत उप प्राचार्य प्रा.नंदकिशोर शिंगाडे हे होते.तसेच मुख्य मार्गदर्शक म्हणून जेष्ठ विधिज्ञ व माजी न्यायाधीश ॲड. महेंद्र गोस्वामी हे होते.तसेच यावेळी महाविद्यालयाच्या समन्वयक प्रा.स्वाती शंभरकर व विधी समितीचे समन्वयक आशिष सुर्यवंशी उपस्थित होते.
यावेळी मुख्य मार्गदर्शक ॲड. महेंद्र गोस्वामी यांनी पॉक्सो कायद्याची व्याप्ती, कायद्याच्या तरतुदी व शिक्षा याविषयी सखोल मार्गदर्शन केले. युवा, युवती व महिला यांनी लैंगिकता संबंधाने जागरूक राहणे आवश्यक असून काय वाईट व काय चांगले याविषयीची समज बाळगून बॅड टच व गुड टच यांचे ज्ञान ठेवावे व मॉल मध्ये चेंजींग रूमचा वापर करताना अलर्ट राहावे,असे आवाहन केले.
अध्यक्षस्थानावरून बोलताना महाविद्यालयाचे प्राचार्य डॉ.रमेश बन्सोड यांनी काय वाईट व काय चांगले यांचे भान ठेवण्याचे प्रतिपादन केले.तर प्रमुख उपस्थितीत उप प्राचार्य प्रा.नंदकिशोर सिंगाडे यांनी बालकांचे लैंगिक शोषणापासून संरक्षण व्हावे,अशी आशा व्यक्त केली.
या कायदेविषयक मार्गदर्शन कार्यशाळेचे विस्तृत प्रास्ताविक महाविद्यालयाच्या समन्वयक डॉ.स्वाती शंभरकर यांनी केले.तर सुत्र संचालन प्रा.विलास मेश्राम यांनी केले. तर आभार प्रदर्शन प्रा.अर्चना चाचेरे यांनी केले.यावेळी मोठ्या संख्येने विद्यार्थी,विद्यार्थीनी प्राध्यापक वृंद व कर्मचारी उपस्थित होते.
