आशाताई बच्छाव
गॅलेलियो यांच्या शोधामुळे विज्ञानाची प्रगती- विष्णुदास लोणारे
संजीव भांबोरे
भंडारा( जिल्हा प्रतिनिधी )शहरातील जकातदर कन्या जिल्हा परिषद शाळा येथे मराठी दिनाच्या निमित्त व जागतिक विज्ञान दिनाच्या पूर्वसंध्येला शहीद डॉ नरेंद्र दाभोलकर प्रणित महाराष्ट्र अंधश्रद्धा निर्मूलन समिती जिल्हा शाखा भंडाऱ्याच्या वतीने कार्यक्रम घेण्यात आले. या कार्यक्रमाला शहीद डॉ नरेंद्र दाभोलकर प्रणित महाराष्ट्र अंधश्रद्धा निर्मूलन समिती बुवाबाजी विभाग राज्य सहकार्य वाह विष्णुदास लोणारे, जिल्हा प्रधान सचिव प्राध्यापक युवराज खोब्रागडे शाखा कार्याध्यक्ष नितेश बोरकर ,तसेच शाळेचे मुख्याध्यापक डी.आर .हटवार ,सौ .एम .एम. जाधव ,कु.एस.बी. मते ,कु. एस. बी .घासले ,श्री .आर .आर.लांडगे उपस्थित होते यावेळी विष्णुदास लोणारे यांनी सांगितले जगात सर्व प्रथम गॅलिलिओ यांनी 1564 ते 1642 या काळात दुर्बिणीचा शोध लावला आणि विज्ञानाची क्रांती झाली. माणूस जमिनीवरून आकाशात जाऊ लागला.हे गॅलिलिओ याच्या वैज्ञानिक शोधामुळे विज्ञानाची प्रगती झाली. तरीसुद्धा माणूस अंधश्रेद्धाला खत पाणी घालण्याचे काम करीत आहे. ही अत्यंत चिंतेची बाब आहे. असे मत व्यक्त केले अंधश्रद्धा आणि विज्ञान यातील फरक काय ते विविध प्रयोगाद्वारे प्रात्यक्षिके करून दाखविले त्यामागे असलेले वैज्ञानिक दृष्टिकोन मुलांना समजावून सांगितले तसेच प्राध्यापक युवराज खोब्रागडे यांनी जादूटोणाविरोधी कायदा व समाजात असलेली अंधश्रद्धा याविषयी मार्गदर्शन केले या कार्यक्रमाला विद्यार्थी मोठ्या संख्येने उपस्थित होते.
