आशाताई बच्छाव
वंचित चे राष्ट्रीय अध्यक्ष ॲड बाळासाहेब आंबेडकर यांची 4 मार्चला साकोली येथे जाहीर सभा
संजीव भांबोरे
भंडारा( जिल्हा प्रतिनिधी) वंचित चे राष्ट्रीय अध्यक्ष एडवोकेट बाळासाहेब आंबेडकर यांच्या 4 मार्चला भंडारा जिल्हा दौरा असुन वंचित बहुजन आघाडीचे राष्ट्रीय अध्यक्ष बाळासाहेब आंबेडकर यांची सभा साकोली येथील पटाची दान एकोडी रोड येथे 4 मार्च 2024 ला ठीक 2.00 वाजता आदिवासी बहुजन अधिकार महासभा आयोजित करण्यात आली असून या सभेला ऍड बाळासाहेब आंबेडकर हे मार्गदर्शन करणार आहेत .
जल ,जंगल जमिनीचे संरक्षण म्हणून ओळखल्या जाणाऱ्या आदिवासी समाजाला त्यांच्या संविधानिक हक्क व अधिकारापासून वंचित ठेवण्याचे काम भाजप सरकार करीत आहे. आदिवासी समाजाचे हक्क व अधिकार जरी भारतीय संविधानात सुरक्षित असले तरी त्याची अंमलबजावणी शासन करताना दिसत नाही. आदिवासी समाजाच्या अधिकाऱ्यांना बळ देण्यासाठी व वन हक्क कायदा 2006 पारित करण्यात आला पण त्याची अंमलबजावणी व जनजागृती होत नाही .त्यातच आदिवासी समाजाचा हक्क वगळून जल जंगल जमीन मोठ मोठ्या उद्योगपतींच्या ताब्यात देण्याचे हे सरकार करीत आहे .शैक्षणिक अधिकारापासून आदिवासी समाज काही प्रमाणात प्रगतीपथावर आहे. जात प्रमाणपत्र, जात वैधता प्रमाणपत्र, आरक्षण असे विविध कारणे पुढे करीत या समाजात उच्च शिक्षणापासून वंचित ठेवण्याचे कट कारस्थान हे सरकार करीत आहे. आदिवासी ,ओबीसी समाजाच्या अधिकाऱ्यांना बळ देण्यासाठी आदिवासी बहुजन अधिकार महासभा होणार असून जास्तीत जास्त संख्येने एस सी, एसटी ,ओबीसी व मायनॉरिटी या जनतेने सभेचा लाभ घ्यावा असे आव्हान भंडारा-गोंदिया जिल्ह्यातील वंचित बहुजन आघाडीच्या सर्व पदाधिकाऱ्यांनी केलेली आहे.
