आशाताई बच्छाव
बीडच्या शासकीय रुग्णालयात उभारले जाणार स्वतंत्र आय सी यू ; प्रधानमंत्री नरेंद्र मोदी यांच्या हस्ते झाले ऑनलाइन भूमिपूजन
मोहन चव्हाण
ब्युरो चिफ बीड जिल्हा
बीड दि:२५ रोजी येथील जिल्हा रुग्णालयात आणखीन एक ५० खाटांचे स्वतंत्र आय सी यू उभारले जाणार असून व्हेंटिलेटर, ऑक्सिजनसह इतर सुसज्ज अशी यंत्रणा या नव्या क्रिटिकल केअर युनिटमध्ये उपलब्ध असणार आहे. पीएम- अभिम मधून मंजूर झालेल्या या रुग्णालयाचे भूमिपूजन प्रधानमंत्री नरेंद्र मोदी यांच्या हस्ते ऑनलाईन पद्धतीने आज सायंकाळी ०४ वाजता पार पडले असल्याची माहिती सीएस डॉ.अशोक बडे यांनी दिली आहे. बीड जिल्हा रुग्णालय सध्या ३०० खाटांची क्षमता आहे. मात्र अंतर रुग्णांची संख्या रोज ५०० च्या घरात असते. त्यामुळे मागच्या काही वर्षापासून २०० खाटांचे नवे रुग्णालय मंजूर झाले आहे. त्याचे बांधकाम सध्या जिल्हा रुग्णालयाच्या पूर्वेकडील जागेत सुरू आहे. तसेच राष्ट्रीय आरोग्य अभियान मधून १०० खाटांचे माता व बालसंगोपन रुग्णालयाची इमारत बांधून पूर्ण आहे. फायर, ऑक्सिजन, लाईट, लिफ्ट आदी कामे अपूर्ण असल्याने सध्या इमारत पडून आहे. अशातच पीएम – अभिम मधून जिल्हा रुग्णालयात नवीन स्वतंत्र आयसीयूच्या उभारल्या जाणाऱ्या इमारतीसाठी २५ कोटी रुपयांचा निधी शासनाने मंजूर केले आहे. आज रविवार (दि: २५) नरेंद्र मोदी यांच्या हस्ते ऑनलाइन पद्धतीने नवीन इमारतीच्या कामाचे भूमिपूजनचा सोहळा पार पडला आहे. या कार्यक्रमासाठी मुख्यमंत्री एकनाथ शिंदे, आरोग्यमंत्री डॉ. मनसुख मांडवीय, राज्यमंत्री डॉ. भारती पवार, उपमुख्यमंत्री अजित पवार, आरोग्यमंत्री तानाजी सावंत आदींची मुंबईतून ऑनलाईन उपस्थिती होती आहे. तसेच या कार्यक्रमाचे थेट प्रक्षेपण जिल्हा रुग्णालयाच्या अधिनस्त असलेल्या सर्व ग्रामीण रुग्णालय आणि उपजिल्हा रुग्णालयात झाले असल्याची माहिती जिल्हा शल्य चिकित्सक डॉ.अशोक बडे यांनी दिली.
