आशाताई बच्छाव
अंबाजोगाईतील निवासी डॉक्टरांचे दुसऱ्या दिवशीही काम बंद आंदोलन
मोहन चव्हाण
ब्युरो चिफ बीड जिल्हा
बीड/अंबाजोगाई दि: २४ येथील निवासी डॉक्टरांचे विद्यावेतन वाढ झाली पाहिजे. त्यांना राहण्यासाठी नवीन वस्तिगृह मिळालेच पाहिजे. अशा विविध मागण्यांसाठी शुक्रवार पासून निवासी डॉक्टरांच्या मार्ड या संघटनेने काम बंद आंदोलन सुरू केले आहे. याचा फटका स्वा.रा.ती रुग्णालयातील रुग्णसेवेला बसला आहे, परिणामी रुग्णसेवा विस्कळीत झाली आहे. शुक्रवारी सकाळी स्व.रा.ती रुग्णालयाच्या ओपीडी समोर घोषणाबाजी व निदर्शने करण्यास करत निवासी डॉक्टरांच्या मध्यवर्ती मार्ड संघटनेने पुकारलेल्या राज्यव्यापी काम बंद आंदोलनात स्व.रा.ती मधील निवासी डॉक्टरांनी सहभाग घेतला आहे. बाहय रुग्ण विभागातील सेवा बंद केल्या आहेत. या कामबंद आंदोलनात मानवतेच्या दृष्टीकोनातून अत्यावश्य रुग्णांची म्हणून हेळसांड होऊ नये तातडीच्या अत्यावश्यक सेवा जसे की अपघात विभाग, आय सी यु व तातडीच्या शस्त्रक्रिया सुरू ठेवल्या आहेत. स्वरातीमधील निवासी डॉक्टरांनी सकाळ पासून बाह्य रुग्ण विभागासमोर एकत्र येत घोषणाबाजी करत जोरदार निदर्शने केली. निवासी डॉक्टरांना विद्यावेतन वाढ, मिळालीच पाहिजे, नवीन वस्तिगृह मिळालेच पाहिजे, मार्ड एकजुटीचा, असो अशा घोषणा दिल्या. जोपर्यंत विद्यावेतन वाढीचा मंत्रिमंडळ निर्णय होत नाही. आणि नवीन वस्तीगृह मंजुरीचा आदेश मिळत नाहीत. तोपर्यंत आंदोलन कायम करण्याचा इशारा मार्ड अध्यक्ष तथा राज्य सचिव डॉ.राहुल मुंडे यांनी दिला.
