परळी वैजनाथ नगरीत भव्य शोभायात्रा मुंडे बंधू भगिनी सह हजारो रामभक्त भक्तिरसात न्हाले

आशाताई बच्छाव

परळी वैजनाथ नगरीत भव्य शोभायात्रा मुंडे बंधू भगिनी सह हजारो रामभक्त भक्तिरसात न्हाले

मोहन चव्हाण
ब्युरो चिफ बीड जिल्हा

बीड/परळी वैजनाथ दि:२१ महाराष्ट्रातील पंचम ज्योतिर्लिंग म्हणून ओळखली जाणारी परळी प्रभू वैद्यनाथाच्या नगरीत 22 जानेवारी रोजी अयोध्यात होणाऱ्या श्रीराम प्राण प्रतिष्ठा निमित्त परळीत भव्य दिव्य अशी शोभायात्रा मिरवणूक काढण्यात आली.या शोभायात्रेत लहान थोर अशा हजारोच्या संख्येने जनसमुदाय रामभक्त उपस्थित होते. जय श्रीराम जय श्रीराम जय श्रीराम जय शिवराय या घोषणाने परळी शहर दणाणून गेले होते व येथील वातावरण आनंदमय, भक्तिमय झाले होते व येथील राम भक्त रामभक्तीत नाहून गेले होते प्रत्येक व्यक्तीच्या चेहऱ्यावर एक वेगळा आनंद निर्माण झालेला दिसून आला व विशेष उपस्थितीत म्हणजे मुंडे बंधू भगिनी महाराष्ट्र राज्याचे कृषी मंत्री तथा पालकमंत्री मा.ना.श्री धनंजय मुंडे व भाजपाच्या राष्ट्रीय सचिव श्री.पंकजाताई मुंडे यांची पण उपस्थिती होती. ही भव्य शोभायात्रा मिरवणूक प्रभू वैद्यनाथ मंदिर परिसर येथून नेहरू चौक तळ परीसर, राणी लक्ष्मीबाई टावर चौक, मोंढा मार्केट कृषी उत्पन्न बाजार समिती, स्टेशन रोड, छत्रपती शिवाजी महाराज चौक या मार्गाने निघाली असून शहरातील या मिरवणुकीत हजारोच्या संख्येने जनसमुदाय उपस्थित होता. परळी शहरातील मध्यभागी असलेल्या छत्रपती शिवाजी महाराज चौक येथे येऊन या शुभ कार्यासाठी छत्रपती शिवाजी महाराज यांचे आशीर्वाद घेऊन पुष्पहार अर्पण करून मा.ना.धनंजय मुंडे व पंकजाताई मुंडे यांच्या हस्ते प्रभू श्रीराम यांच्या प्रतिमेस पुष्पहार अर्पण करून महाआरती करण्यात आली व सर्व उपस्थितांनी शुभ आशीर्वाद घेतले आहे व या मिरवणुकीचा शेवट करण्यात आला.