आशाताई बच्छाव
मुखेड तालुक्यातील अंबुलगा येथील मुलगी झाली क्लासवन अधिकारी देगलूर-(संजय कोंकेवार) माणसाच्या अंगी जिद्द जर असली तर स्वतःच्या सामर्थ्यावर व मेहनतीवर माणूस कोणत्याही पदापर्यंत पोहचवु शकतो. कु.मंजुश्री माधवराव कल्लेवाड हे दाखवून दिले आहे एका खेडेगावात जन्म घेऊन शहरी भागात जाऊन उच्च शिक्षण घेऊन रात्रीचा दिवस करून उराशी बाळगलेली स्वप्न प्रत्यक्षात साकार केली आहे.नुसतीच महाराष्ट्र राज्य लोकसेवा आयोगाकडून नुकत्याच घेण्यात आलेल्या राज्य प्रशासकीय सेवेतील उपजिल्हाधिकारी,तहसीलदार,गटविकास अधिकारी,आदिवासी प्रकल्प शिक्षणाधिकारी,उपमुख्य कार्यकारी अधिकारी आधी वर्ग १ पदाच्या परीक्षेचा निकाल गुरुवारी जाहीर करण्यात आला असून,अंतिम गुणवत्ता यादीत कु.मंजुश्री माधवराव कल्लेवाड हिची अनुसूचित जमाती (एस.टी) पर्वर्गातून मुलींमध्ये चौथ्या क्रमांकांनी वर्ग१च्या पदावर निवड झाली आहे.जिल्हा परिषदेच्या प्राथमिक आरोग्य केंद्र लिंबगाव येथे कार्यरत असलेले लिपिक माधवराव कल्लेवाड यांची ही मुलगी आहे.बालपणापासूनच अभ्यासात हुशार असून ती लहानपणापासूनच सांगत होती की,मी अशी तशी अधिकारी होणार नाही.झाले तर क्लासवन अधिकारीच होऊन दाखवीन अशी सुरुवातीपासूनच सांगत होती.व तिचे स्वप्न व आई-वडिलांचे स्वप्न पूर्ण झाल्याने त्यांचा आनंद आज गगनांशी मावेनासा झाला असुन या निवडीचे मंजुश्रीचे कौतुक व शुभेच्छांचा वर्षाव व अभिनंदन केले जात आहे.