आशाताई बच्छाव
30 वर्षानंतर पुन्हा एकदा गुरुजी आणि विद्यार्थी यांची भेट (असी पाखरे येती आणि स्मृती ठेऊनिया जाती)
संजीव भांबोरे
भंडारा (जिल्हा प्रतिनिधी) पवनी तालुक्यातील चिचाळ येथील जिल्हा परिषद हायस्कूल फ्रेंड्स ग्रुप 1990 बॅच च्या वतीने दिवाळी च्या शुभ पर्वावर 21 नोव्हेंबर 2023 ला सरस्वती कॉन्व्हेन्ट स्कूल चिचाळ येथे फॅमिली गेट टुगेदर चा कार्यक्रम आयोजित करण्यात आला होता. 30 वर्षानंतर प्रथमच 1990 बॅच ला शिकवणारे शिक्षक धांडे सर, वाघाये सर , वडेट्टीवार सर, विजय भुरे , मोटघरे सर, पचारे सर, नांदेकर सर आणि त्यांचे विद्यार्थी एकत्र आले होते .भारावून जाणारा हा क्षण होता . डॉ. बाबासाहेब आंबेडकर छत्रपती शिवाजी महाराज यांच्या फोटोंचे पूजन कार्यक्रमाची सुरुवात झाली .प्रमुख उपस्थिती म्हणून मधुसूदन काटेखाये सरपंच ग्रा.प. चिचाळ ,जगतराम गभणे उपसरपंच, तुकेश वैरागडे पो.पा. ,सविता बिलवणे प.स.सदस्या आणि सर्व वर्ग मित्र सहपरिवार उपस्थित होते .सर्वांचे शाल, श्रीफळ देऊन सत्कार करण्यात आला. सर्वांनी आपले मनोगतातून भूतकाळातील अविस्मरणीय आठवणींना उजाळा दिला .शेवटी सर्वांनी एकत्रित स्नेहभोज केले .प्रसंगी सर्व वर्ग मित्र यांचे चेहऱ्यावर आनंद ओसंडून वाहत होता .कार्यक्रमाचे सूत्रसंचालन प्रा.राजू नंदपुरे यांनी तर प्रास्ताविक प्रा.नीलकमल उके यांनी आणि आभार प्रा.महेंद्र काटेखाये यांनी मानले. ह्या आनंददायी सोहळ्यास सर्व वर्ग मित्रांनी सहकार्य केले.
