आशाताई बच्छाव
काकनवाडा खुर्द येथील गुरांचा गोठा भ्रष्टाचार प्रकरणी सरपंचांसह दोशींवर कारवाई करिता चालू असलेल्या उपोषणाची नवव्या दिवशी लेखी आश्वासनाने सांगता.
युवा मराठा न्यूज नेटवर्क
ब्युरो चीफ बुलढाणा
संग्रामपूर तालुक्यातील काकनवाडा खुर्द येथील गुरांचा गोठा या योजनेतील लाभार्थ्यांनी ग्रामपंचायत अंतर्गत झालेल्या भ्रष्टाचाराबाबत सरपंच व सचिव यांचे सह दोशींवर कारवाई करणे बाबत दिनांक 3 ऑक्टोंबर2023 पासून मोठ्या संख्येने ग्रामस्थांच्या सहकार्याने नंदकिशोर दयाराम आढाव यांनी चालू केलेल्या उपोषणाची दखल घेत बुलढाणा जिल्हा परिषदेचे उपमुख्यकार्यकारी अधिकारी यांनी जळगाव जामोद पंचायत समिती अंतर्गत अधिकाऱ्यांची चौकशी समिती नेमून संग्रामपूर तालुक्यातील ग्रामपंचायत काकनवाडा खुर्द येथील सरपंच गोपाल आढाव व त्यांचे भावाने महात्मा गांधी ग्राम रोजगार हमी योजना महाराष्ट्र अंतर्गत शरद पवार ग्राम समृद्धी योजने अंतर्गत गुरांच्या गोट्याचा लाभ सर्व नियम व अटी धाब्यावर बसवून घेतला गुरांचा गोठा व इतर भ्रष्टाचार केल्याच्या तक्रारीवरून उपोषणकर्त्यांनी केलेल्या आरोपा प्रकरणी सखोल चौकशी करीता नेमण्यात आलेल्या समितीकडून तसेच गटविकास अधिकारी यांनी अखेर नव्या दिवशी दिनांक 11 ऑक्टोंबर रोजी सायंकाळी उपोषणकर्त्यांच्या उपोषण मंडपाला भेट देऊन येत्या 13 ऑक्टोबर रोजी चौकशी समितीकडून चौकशी करण्यात येईल व तसा अहवाल प्राप्त होताच पुढील कार्यवाही करण्यात येईल
अशे उपोषणकर्त्यांना लेखी आश्वासन दिले असून गटविकास अधिकारी माधव पायघन तसेच पी एसआय दिपक सोळंके, राष्ट्रवादीचे तालुका कार्याध्यक्ष अरुणभाऊ निंबोळकार यांच्या उपस्थितीत उपोषणकर्त्यांनी प्रशासनाकडून मिळालेल्या लेखी आश्वासनावर विश्वास ठेवून उपोषणकर्त्यांनी आपले उपोषण तूर्तास मागे घेतले असून तक्रारीप्रमाणे चौकशी होऊन दोषीवर कारवाई न झाल्यास पुन्हा शांततेच्या मार्गाने न्याय मिळेपर्यंत लढा चालू ठेऊ असे उपोषणकर्त्त्यांनी सांगितले तसेच प्रथमच संग्रामपूर तालुक्यात नऊ दिवसांपासून चालू असलेल्या या उपोषणाला जिल्हाभरातून विविध पक्षाच्या प्रमुख नेते मंडळीने उपोषण मंडपाला भेटी दिल्या हे विशेष असून यावेळी उपोषणकर्त्यांसह काकनवाडा खुर्द येथील बहुसंख्य नागरिक उपस्थित होते.