दहिवद शिवारात गळफास घेवून एकाची आत्महत्या

आशाताई बच्छाव

दहिवद शिवारात गळफास घेवून एकाची आत्महत्या
चाळीसगाव प्रतिनिधी विजय  पाटील – चाळीसगाव-धुळे रस्त्यावरील चिंचगव्हाण फाट्यावरील दहिवद शिवारातील शेतात अंदाजे 49 वर्षीय अनोळखी पुरुषाने निंबाच्या झाडाला गळफास घेऊन आत्महत्या केल्याची घटना बुधवारी सकाळी साडेअकराच्या सुमारास उघडकीस आली आहे. या इसमाची अद्यापही ओळख पटून आली नसल्याने मेहूणबारे पोलीसांनी ओळख पटविण्याचे आवाहन केले आहे.
दहिवद शिवारातील चिंचगव्हाण फाट्याजवळ आलेल्या शेतात निंबाच्या झाडाच्या फांदीला दोरीने बांधून गळफास घेतलेल्या अवस्थेत अनोळखी इसमाचा मृतदेह आढळून आला.गळफास घेतलेल्या अनोळखी व्यक्तीबाबत मेहूणबारे पोलिसांना माहिती दिल्यानंतर पोलिसांनी घटनास्थळी जाऊन पंचनामा केला.याप्रकरणी मेहूणबारे पोलीस ठाण्यात अकस्मात मृत्युची नोंद करण्यात आली आहे.
आत्महत्या करणारा अनोळखी चिंचगव्हाण परिसरातील नसल्याची खात्री झाली असून त्याची ओळख पटविण्याचे आवाहन मेहूणबारे पोलीस स्टेशनचे सहायक निरीक्षक विष्णू आव्हाड व उपनिरीक्षक गोपाल पाटील यांनी केले आहे.