आशाताई बच्छाव
मेळघाटात भंगार बसेसच्या धुमाकूळ काही थांबेना,चालकाचा प्रयत्नाने मोठा अनर्थ टळला
मेळघाटात आजही मोठे शासनाचे दुर्लक्ष
चिखलदरा:प्रतिनिधी
नागेश धोत्रे
मेळघाट ब्यूरो चीफ
मेळघाटात दळणवळणाचे साधन कमी आहे.मेळघाटातील चिखलदरा आणि धारणी तालुक्यातील लोकांना दळणवळणाचे एक मात्र शासकीय साधन महामंडळ बस आहे.परंतु महामंडळ बसची मेळघाटात दयनीय अवस्था झाली आहे. महामंडळ बस कोठेही किंवा कोणत्याही क्षणी बंद पडत आहे.अशीच एक ताजी घटना शासकीय आश्रम शाळा टेम्ब्रूसोडा जवळ घडली आहे.शासकीय कन्या आश्रम शाळेतील विद्याथीनींना घेऊन जाणाऱ्या बसचा घाटातच गियर तुडल्याने चालू बस काही मीटर अंतर कापून मागे गेली,परंतु ती शेतातातील झुडपात अडकल्याने मोठा अनर्थ टळला दरम्यान दोन मुलींनी बस मधून उड्या घेतल्याने त्या किरकोळ जखमी झाल्या.परतवाडा आगरातून आगरातून मानव विकास या योजनेची बस परतवाडा वरून परसापुर, बोराला,मोरगड,टेम्ब्रूसोडा,जामली,वस्तापुर, देवगाव व परतवाडा,अशा रोज सकाळी शाळा सुरु होण्यापूर्वी व शाळा संपल्यावर विद्यार्थ्यांना घेऊन प्रवास करते.परंतु टेम्ब्रूसोडा वरून जामलीकडे शाळेतील ५०विद्यार्थ्यांना घेऊन येत असतांना एम एच ४० एन ८०६५ क्रमांकाचा बसचा घाटातच गियर तुटला त्यामुळे ही बस दोनशे मीटर मागे गेली.यात काहीनी मुलींना बुसमधून उड्या टाकायला सांगितले व दोन मुलींनी चालत्या बसमधून उड्या टाकल्या यात त्या मुली किरकोळ जखमी झाल्या सुदैवाने काही जीवितहानी झाली नाही.मेळघाटात चालणाऱ्या एसटी बसेस ची अवस्था अतिशय भंगार झाली असून रोज काही ना काही अपघात घडतात.भंगार झालेल्या बसेस घाटात पाठविले जातात.थोडक्यात अनर्थ टळला म्हणून बरे नाहीतर आज मोठ्या अपघाताला सामोरे जावे लागले असते.आतातरी आगार डेपो परतवाडा वरून मेळघाटाकरीता चांगली बस पाठवावी.मेळघाटात घाट वळणाचे रस्ते असल्याने भंगार बस कोठेही खराब होऊ शकते.मेळघाटात चांगली बस सेवा मिळावी करिता अनेक लोकप्रतिनिधींनी निवेदन दिले आहेत. परंतु त्या निवेदनाचा काही उपयोग दिसून येत नाही.मेळघाटातील भंगार बसेसची परिस्थिती जैसी थी, वैशी दिसून येत आहे.एसटी महामंडळाने भंगार बसेस वर लगाम लावून चांगल्या बस मेळघाटातील नागरिकांना उपलब्ध करून दयावे.अशी नागरिकांची मागणी आहे.