आशाताई बच्छाव
समृद्धी फेस्टिवलच्या अंतिम सांस्कृतिक कार्यक्रमास अलोट गर्दी :
सोनाली कुलकर्णी, मीरा जोशी यांच्या नृत्याविष्काराने रसिक घायाळ
महाप्रसाद वाटपानंतर समृद्धी गणेश मंडळाचा गणरायाला निरोप
घनसावंगी/जालना,(दिलीप बोंडे ब्युरो चीफ)-:समृद्धी साखर कारखान्यात समृद्धी शुगर्स गणेश मंडळाच्यावतीने आयोजित समृद्धी फेस्टिवल -२०२३ चा शेवटचा भव्य सांस्कृतिक कार्यक्रम रंगतदार ठरला. या कार्यक्रमास घनसावंगी मतदारसंघातील रसिक प्रेक्षकांची अलोट गर्दी पाहायला मिळाली. उत्तरोत्तर रंगत गेलेल्या या कार्यक्रमाचा रसिकांनी मनसोक्त आनंद घेतला. गुरुवारी सकाळी ११ वाजता महाप्रसाद वाटपानंतर समृद्धी गणेश मंडळाच्या वतीने ‘श्री’ च्या मूर्तीचे विसर्जन करण्यात आले.
समृद्धी साखर कारखान्याचे चेअरमन सतीश घाटगे यांच्या संकल्पनेतून गेल्या वर्षी पासून आयोजित करण्यात येत असलेल्या समृद्धी फेस्टिवलला यावर्षी उत्स्फूर्त असा प्रतिसाद मिळाला. या फेस्टिवलध्ये आयोजित सांस्कृतिक कार्यक्रमास मोठी गर्दी पाहायला मिळाली. पहिल्या दिवशी प्रसिद्ध अभिनेत्री माधुरी पवार यांच्या यांच्या धडाकेबाज कार्यक्रमाने समृद्धी फेस्टिवलच्या उत्साहात सुरुवात झाली. त्यानंतर दुसऱ्या दिवशी अभिनेत्री मानसी नाईक यांनी हटके अंदाजात सादर केलेल्या सांस्कृतिक कार्यक्रमाला रसिक प्रेक्षकांची दाद मिळाली. या फेस्टिवलमधील अभिनेत्री मीरा जोशी व सोनाली कुलकर्णी यांचा कार्यक्रम अतिशय रंगतदार ठरला. या कार्यक्रमासाठी हजारोंच्या संख्येने रसिक प्रेक्षक आले होते. दोन्ही अभिनेत्रींनी सादर केलेल्या नृत्याला रसिकांनी भरभरून दाद दिली. तर गायक शैलेश निसरगंध व विद्या पवार या जोडीने संपूर्ण फेस्टिवल मध्ये सादर केलेल्या गीतांनी उपस्थितांना संगीताच्या तालावर ठेका धरायला भाग पाडले.
