आशाताई बच्छाव
अबॅकस नॅशनल समर कॉम्पिटिशनमध्ये एज्युकेयर फाउंडेशन विद्यार्थ्यांचे घवघवीत यश रत्नागिरी,(सुनील धावडे ब्युरो चीफ युवा मराठा न्युज नेटवर्क)
राष्ट्रीय स्तरावरील नामांकित प्रोॲक्टिव्ह अबॅकस या राष्ट्रीय कंपनीतर्फे नॅशनल समर कॉम्पिटिशन नुकतीच कोल्हापुर येथे संपन्न झाली. या स्पर्धेसाठी संपूर्ण महाराष्ट्र राज्यासह अन्य ४ राज्यातून १५०० पेक्षा अधिक विद्यार्थ्यांनी सहभाग नोंदविला होता.
६ मिनिटामध्ये १०० अचूक गणिते अबॅकसवर सोडविणे, या स्पर्धेत रत्नागिरी येथील एज्युकेयर फाउंडेशन सेंटरच्या १२ विद्यार्थ्यांनी भाग घेतला पैकी ५ विद्यार्थ्यांनी विविध गटात नॅशनल लेव्हलची ट्रॉफी जिंकून घवघवीत यश संपादन केले. यात कु. गौरी दीपक बडगुजर (इ.8 वी) हीने 1D लेव्हल-1 मध्ये राष्ट्रीय स्तरावर 6 मिनिटात 70 पैकी 68 अचूक गणिते सोडवत प्रथम क्रमांकाची विनर ठरली आहे.
तर 1B लेव्हल -1 (इ.5वी) मध्ये कु. चिन्मय दीपक बडगुजर याने 3rd रँक व कु. दुर्वेश दिपक बडगुजर याने 4th रँकची ट्रॉफी मिळवली. 1A-लेव्हल 1 मधील इ. पहिलीच्या गटात कु. अनुप धनंजय केतकर व इ. दुसरीच्या गटात कु. गार्गी मंदार देवल या दोघांनीही 3rd रँकची ट्रॉफी मिळवली.
या बरोबरच कु. मिहीर महेंद्र जाधव, कु. मानस निनाद गांगण, कु. अभिज्ञ चेतन कांबळे, कु. गीता रविंद्र गायकवाड, कु. मनस्वी महेश साळवी, कु. सिद्धार्थ गिरीष पिंगळे, कु. स्वरूप प्रदीप गडदे यांनी या स्पर्धेत उत्तम कामगीरी करत उत्तेजनार्थ परितोषिक मिळविले.
या स्पर्धेचा बक्षीस वितरण सोहळा १६ ऑगस्ट रोजी साळवी स्टॉप येथे पालक व विद्यार्थ्यांच्या उपस्थितीत सम्पन्न झाला. या कार्यक्रमात ट्रॉफी व प्रमाणपत्र टॅक्स कन्सलटंट व भारत शिक्षण मंडळ, रत्नागिरीचे समिती सदस्य श्री. धनेश रायकर यांचे हस्ते करण्यात आले यावेळी त्यांनी उपस्थित विद्यार्थ्यांना व पालकांना मार्गदर्शन केले. यावेळी एज्युकेयर फाउंडेशनचे संचालक श्री. स्वप्निल सावंत हे उपस्थित होते.
या स्पर्धेच्या तयारीसाठी विद्यार्थ्यांना प्रोॲक्टिव्ह अबॅकसच्या प्रमुख सौ. सोनल सावंत यांचे मार्गदर्शन लाभले. यशस्वी विद्यार्थ्यांचे अभिनंदन त्यांच्या शाळा व पालक वर्गातून होत आहे.
