आशाताई बच्छाव
लोह्यात अवैध धंद्यांवर पोनी चिंचोलकर यांचा कारवाईचा धडाका
जुगार अड्ड्यावर धाड ; दहा जणांवर गुन्हा दाखल तर १ लाख १४ हजार १७० रुपयाचा मुद्देमाल जप्त
लोहा प्रतिनिधि
अंबादास पाटिल पवार
नुकताच लोहा पोलीस स्टेशन येथे पोनी चिंचोलकर यांनी पदभार स्वीकारला आणि लोह्यातील अवैध धंद्यांवर कारवाई सत्र चालू केले आहे.
पोलीस स्टेशन हद्दीमध्ये लोहा येथे जुन्या न्यायालयाच्या परिसरामध्ये जुवा खेळत असणाऱ्या जुवाऱ्यांवर दि.२४ सप्टेंबर रोजी लोहा पोलीसाच्या पथकाने धाड टाकली असून सदर धाडीमध्ये एकूण दहा आरोपी जुगार खेळताना आढळुन आले असता त्यांना पोलिसांनी ताब्यात घेतले आहे.
सदर ठिकाणी जुगारासाठी वापरलेले पैसे, जुगार खेळण्याचे साहित्य,पत्ते,सहा मोबाईल,एक मोटार सायकल जप्त करण्यात आली आहे. तसेच सदरच्या धाडीमध्ये लोहा पोलिसांनी एकूण १,१४,१७० रुपयाचा मुद्देमाल जप्त केला आहे.
जुगार खेळतांना आढळून आल्या दाही आरोपीन विरोधात पोलीस स्टेशन लोहा येथे जुगार प्रतिबंध अधिनियम कलम १२ (अ ) प्रमाणे गुन्हा दाखल करण्यात आला आहे.
सदरची कारवाई ही पोनी चिंचोलकर यांच्या मार्गदर्शनाखाली सपोनी चन्ना, पीएसआय हालसे,सपोऊपनि सूर्यवंशी, केंद्रे, पोहवा किरपने, लाडेकर, पोका शेळके, इजुलकंठे, मेकलवाड, चालक मुळके, होमगार्ड कदम, क्षीरसागर यांनी केली आहे.
तर दि.२३ सप्टेंबर रोजी एका मटका अड्ड्यावर कारवाई करून लोहा पोलिसांनी मुंबई जुगार कायदा कलम १२ (a) प्रमाणे गुन्हा दाखल केला होता.