आशाताई बच्छाव
सुनेगाव येथील बौद्ध स्मशानभूमी कायम करण्याच्या मागणीसाठी दि.२९ मे रोजी बौध्द समाज बांधवांचे लोहा तहसिल कार्यालयासमोर उपोषण
अंबादास पाटील पवार
लोहा / प्रतिनिधी
लोहा तालुक्यातील मौजे सुनेगाव (कु.) येथील बौद्ध स्मशानभूमीची जागा कायम करण्याच्या मागणीसाठी सुनेगाव येथील बौद्ध बांधवांच्या वतीने दि. २९ मे रोजी लोहा तहसिल कार्यालयासमोर सा.उपोषणाला बसणार असल्याचे सूनेगाव येथील बौद्ध समाज बांधवांच्या वतीने लोहा तहसिलदार यांना निवेदनाद्वारे कळविले आहे.
लोहा तहसिलदार यांना दिलेल्या निवेदनात पुढे असे नमूद केले की, सुनेगाव येथील वडीलोपार्जित बौद्ध स्मशानभूमी कायम करावी, सार्वजनिक पिण्याच्या पाण्याची विहीर (आड) बुजून टाकला आहे तो रिकामा करावा या प्रमुख मागणीसाठी सुनेगाव येथील बौद्ध बांधवांच्या वतीने दि.२९ मे रोजी लोहा तहसिल कार्यालयासमोर सा. उपोषणाला बसणार असल्याचे कळविले आहे.
या निवेदनावर सार्वजनिक भीमजयंती मंडळ व गावकऱ्यांच्या स्वाक्षऱ्या आहेत.
