आशाताई बच्छाव
श्रीमती जे.आर.गुंजाळ विद्यालयाच्या संजना खुटे ची विभाग स्तरावरील जीत कुने डो (कराटे) स्पर्धेसाठी निवड…
दैनिक युवा मराठा
चांदवड प्रतिनिधी – लक्ष्मण आवारे
श्रीमती जे. आर.गुंजाळ माध्य.व उच्च माध्यमिक चांदवड विद्यालयातील अकरावी सायन्स या वर्गातील संजना बाबाजी खुटे ने जिल्हास्तरीय जीत कुने डो (कराटे) स्पर्धेत घवघवीत यश संपादन केले. दिनांक 22 सप्टेंबर रोजी विभागीय क्रीडा संकुल नाशिक येथे जिल्हास्तरीय क्रीडा स्पर्धा संपन्न झाल्या. संजना बाबाजी खुटे हिने जीत कुने डो (कराटे) स्पर्धेत प्रथम क्रमांक प्राप्त केला.या विद्यार्थिनीची विभाग स्तरावर स्पर्धेसाठी निवड झाली आहे.तसेच लोणारी क्रीडा संकुल येवला येथे झालेल्या जिल्हा स्तरीय कुस्ती स्पर्धेत महाविद्यालयातील अकरावी सायन्स वर्गातील संस्कृती सुनिल अहिरे हिने ५३ किलो वजन गटात कुस्ती स्पर्धेत द्वितीय क्रमांक प्राप्त केला व पूजा राजेंद्र शिंदे या विद्यार्थिनीने 46 किलो वजन गटात कुस्ती स्पर्धेत द्वितीय क्रमांक मिळविला. या यशस्वी विद्यार्थिनींचे संस्थेचे सरचिटणीस ॲड नितीन भाऊ ठाकरे, मविप्र चांदवड तालुका संचालक डॉ.सयाजीराव गायकवाड, विद्यालयाचे मुख्याध्यापक संजय लोहकरे पर्यवेक्षक प्रकाश आहेर सर्व प्राध्यापक,शिक्षक व शिक्षकेतर बंधू भगिनी यांनी अभिनंदन केले.