आशाताई बच्छाव
बार्शी वैराग रोडवर दुचाकी व ट्रकचा भीषण अपघात
युवा मराठा न्यूज आँनलाईन वेब पोर्टल महादेव घोलप
बार्शीकडे चाललेल्या अशोक लेलँड ट्रक व दुचाकीचा भीषण अपघात होऊन दुचाकी वरील दोघे जागीच ठार झाले आहेत.सोलापूर हुन बार्शीकडे चाललेला अशोक लेलँड ट्रक क्रमांक MH45- AS 2025 व हिरो CBZ दुचाकी क्रमांक MH13 AP 2662 यांचा भीषण अपघात होऊन दुचाकी वरील नारायण घोपल (वय 42) काशिनाथ उर्फ पिंटू अरुण नरोटे (वय 43) हे दोघेजण अपघातात जागीच ठार झाले आहेत. दुचाकी वरील दोघेजण बार्शीहून दडशिंगे या आपल्या गावी जात असताना हा अपघात घडला आहे. अपघाताची माहिती मिळताच पोलिसांनी घटनास्थळी धाव घेत अपघातग्रस्तांना शासकीय रुग्णालयात नेल्याचे समजते. हा अपघात एवढा भीषण होता की , दुचाकीवरील दोन्ही व्यक्तींचे शरीराचे अवयव रस्त्यावर विखुरले होते. पोलिसांनी तातडीने घटनास्थळी धाव घेत अपघातग्रस्त वाहने बाजूला करून रस्ता वाहतुकीसाठी खुला केला.