नांदेडचे अकुप्रेसर तज्ञ डॉ.संभाजी पवार द्वारे पंढरपूर दिंडीतील दोन हजार भाविकांचा सासवड येथे दोन दिवस मोफत उपचार !

आशाताई बच्छाव

नांदेडचे अकुप्रेसर तज्ञ डॉ.संभाजी पवार द्वारे पंढरपूर दिंडीतील दोन हजार भाविकांचा सासवड येथे दोन दिवस मोफत उपचार !
अंबादास पाटिल पवार
लोहा, प्रतिनिधि
मागील सात वर्षा पासून सिडको नांदेड येथे सुजोक, अकुप्रेशर आणि निसर्गोपचार च्या साह्याने हजारो रुग्णावर यशस्वी उपचार करणारे पूजा हेल्थकेअर सेंटर चे संचालक , सुजोक, अकुप्रेसर निसर्गोचार तज्ञ डॉ.संभाजी अवधुतराव पवार आणि त्यांची टीम आळंदी पंढरपूर ज्ञानेश्वर माऊलींच्या पालखी सोहळ्यातील सासवड येथील मुक्कामी दि.14आणि15 जून रोजी गुडघेदुखी,कंबरदुखी, मानपाठ दुःखी अश्या दुर्धर आजारावर सुजोक, अकूप्रेसर, मसाज द्वारे दोन हजार वारकऱ्यांचा मोफत उपचार केला.
माऊली ज्ञानेश्वर महाराजांच्या पालखी सोहळ्यात लाखो भाविक आळंदी ते पंढरपूर पायी चालत जातात ज्यात वयस्कर पुरुष महिलांचा सहभाग असतो हडफसर ते दिवे घाट जवळपास 27 किलोमिटर घाटाचे अंतर चढल्या नंतर प्रचंड थकवा आणि गुडघे दुःखी होऊ शकते म्हणून सासवड या ठिकाणी माऊलीच्या विसाव्या जवळ दि.14आणि 15 जून रोजी डॉ.संभाजी पवार आणि त्यांची टीम गुडघे दुःखी , कंबरदुखी या आजारावर सुजोक आणि मसाज करून दोन हजार वारकऱऱ्या वर मोफत उपचार केले त्यांच्या सोबत अशोक जाधव, बाळासाहेब पवार,उद्धव जाधव ,अल्केश भोसीकर,आकाश चीलगर,गणेश चीलगर,आकाश जाधव, उद्धव काकटे, भागवत शिंदे यांनी त्यांना मोलाचे सहकार्य केले .या सोबतच भाविकांना बिस्कीट आणि पाणी बॉटल वाटप करण्यात आले.
या पुढे ही अशीच सेवा देऊ असा मानस डॉ.संभाजी पवार यांनी व्यक्त केला.