आशाताई बच्छाव
नाशिकचे पोलीस उपनिरीक्षक दत्तात्रय कडनोर ‘राष्ट्रपती पदक’ जाहीर !
भास्कर देवरे (युवा मराठा न्युज नेटवर्क)
पोलीस खात्यासाठी एक गौरवाची बातमी समोर येत आहे. नाशिकच्या मध्यवर्ती गुन्हे शाखेतील पोलीस उपनिरीक्षक दत्तात्रय राजाराम कडनोर यांना राष्ट्रपती पदक जाहीर करण्यात आले आहे. ही नाशिककरांसाठी अभिमानाची बाब असून पोलीस दलात आनंदाचे वातावरण आहे. त्यांच्यासोबतच राज्यातील आणखी ७३ पोलिसांना पदक जाहीर करण्यात आली आहे. नाशिक शहर पोलीस आयुक्त अंकुश शिंदे व पोलीस उपआयुक्त प्रशांत बच्छाव यांनी पोलीस उपनिरीक्षक दत्तात्रय कडनोर यांचे कामगिरीचे कौतुक करून सत्कार केला आहे.
राष्ट्रपती पोलीस पदकांची काल बुधवार (दि. २५) घोषणा करण्यात आली आहे. देशातील विविध राज्यांतील एकूण 901 पोलिसांना पोलीस पदकं जाहीर करण्यात आली आहेत. 140 जणांना शौर्य पोलीस पदक 93 जणांना राष्ट्रपती पोलीस पदक आणि 668 जणांना गुणवत्तापूर्ण सेवेसाठी पोलीस पदक जाहीर झाले आहे. यात महाराष्ट्रातील एकूण 74 पोलिसांना हा पुरस्कार जाहीर झाला आहे.
यात नाशिकच्या मध्यवर्ती गुन्हे शाखेतील पोलीस उपनिरीक्षक दत्तात्रय राजाराम कडनोर यांना देखील राष्ट्रपती पदक जाहीर करण्यात आले आहे. कडनोर यांनी पोलीस सेवेत केलेल्या उल्लेखनीय व गुणवत्तापुर्ण सेवेची केंद्रशासनाने दखल घेवून दि. 26 जानेवारी 2023 मध्ये राष्ट्रपती पोलीस पदक जाहीर झाले आहे. नाशिक शहर पोलीस आयुक्त अंकुश शिंदे व पोलीस उपआयुक्त प्रशांत बच्छाव यांनी पोलीस उपनिरीक्षक दत्तात्रय कडनोर यांचे कामगिरीचे कौतुक करून सत्कार केला आहे.
ही नाशिककरांसाठी अभिमानाची बाब असून
पोलीस दलात आनंदाचे वातावरण आहे. आज प्रजासत्ताक दिनी शाहू स्टेडियमवर पालकमंत्री दीपक केसरकर यांच्या हस्ते पदक देऊन
गौरवण्यात येणार आहे.