आशाताई बच्छाव
राजमाता जिजाऊ शोभायात्रेने देगलूर शहर दुमदुमले
▪️शालेय लेझीम ने देगलुरकराची मने जिंकली
नांदेड जिल्हा प्रतिनिधी मनोज बिरादार (युवा मराठा न्यूज नेटवर्क)
देगलूर शहरातील उदगीर रोड येथील राजमाता राष्ट्रमाता जिजाऊ चौकाची नियोजन जागेपासून ते शहरातील अण्णाभाऊ साठे चौक,डॉ बाबासाहेब आंबेडकर चौक,महात्मा गांधी चौक,महात्मा बसवेश्वर चौक,कापड बाजार हनुमान मंदिर कॉर्नर, जुनी भट्टगल्ली शाळा,होट्टल बेस हनुमान मंदिर,शहीद भगतसिंग चौक,सेना महाराज चौक,छत्रपती शिवाजी महाराज चौक ते परत जिजाऊ चौक येथे शोभा यात्रेचे सांगता करण्यात आली.
यावेळी भजन पथक,पुणे येथील महिला ढोल ताशा पथक,शालेय लेझीम पथक,पथनाट्य, कळषधारी महिला,सामाजिक संदेश , विशेष म्हणजे यामध्ये उर्दू शाळेचे सुद्धा सहभाग उल्लेखनीय आहे.
देगलूर शहरातील बहुचर्चित जिजाऊ जन्मोत्सव निमित्त भव्य शोभायात्रेची चर्चा गगनभरारी घेत आहे, या मागचे कारणही तितकेच महत्वाचे आहे , ते म्हणजे हे कार्य यशयस्वी व्हावे यांसाठी उच्च शिक्षित शिक्षिका , शिक्षक,वकील डॉक्टर, पत्रकार,युवा नेतृत्व, सामाजिक कार्यकर्ते आदीनी अतिशय चांगल्या पद्धतीने वेळ देऊन कार्ये केले.
जस म्हणलं जातं ” यशस्वी पुरुषांच्या पाठीमागे एका स्त्रीचा हात असतो ” असे म्हणतात तसे या उक्तीला साजेशा म्हणजे या महिलांचा भव्य शोभा यात्रेसाठी अनेक पुरुषांच्या हात होते हे मात्र निश्चित आणि या कार्यासाठी अनेक देणगीदारांनी सढळ हाताने मदत करून या कार्याची धुरा सांभाळली तर उच्च शिक्षित व अनेक पेशात पारंगत व्यक्तीने वेळ देऊन कार्य लीलया पेलले आहे.
यावेळी खा.प्रताप पाटील चिखलीकर, आ.जितेश अंतापुरकर,मा.नगराध्यक्ष मोगलाजी शिरशेटवर,भाजप जिल्हाध्यक्ष (ग्रा) व्यंकटराव पाटील,कॉग्रेस तालुका अध्यक्ष बळेगावकर, माजी अध्यक्ष प्रीतम देशमुख,राष्ट्रवादी काँग्रेसचे तालुका अध्यक्ष अँड अंकुश देशाई आदी मान्यवरांच्या उपस्थितीत ही शोभा यात्रा पार पडली.शोभा यात्रेचे सूत्रसंचालन चैतन्या वानखेडे व डॉ.सुनील जाधव यांनी केले असून भव्य शोभा यात्रेची सुरुवात जिजाऊ वंदनाने झाली. शोभा यात्रेत सावित्रीबाई फुले माध्यमिक विद्यालयाच्या विद्यार्थिनींनी लेझीमच्या माध्यमातून प्रेक्षकांना मंत्रमुग्ध केले व शेवट मात्र स्व. श्याम पाटील कुशावाडीकर यांना आदरांजली देऊन करण्यात आला.
