आशाताई बच्छाव
गणेशपूर येथील दक्षिणमुखी गणपती दर्शनासाठी पंचक्रोशीतील भाविकांची गर्दी
शत्रुघ्न काकडे पाटील:-ब्युरो चिफ (युवा मराठा न्युज नेटवर्क परभणी)
(परभणी)जिंतूर:- जालना या महामार्गालगत असलेल्या गणेशपूर येथील दक्षिणमुखी गणपती देवस्थान हे पंचक्रोशीतील भाविकांचे श्रद्धास्थान असून, बेचिराख वस्तीतील नवसाला पावणारा गणपती, अशी या देवस्थानची पंचक्रोशीत ख्याती आहे.गणेशपूरची बेचिराख गाव म्हणून शासनदप्तरी नोंद आहे. येथील एका ओट्यावर गणपतीची मूर्ती होती. कालांतराने भाविकांनी येथे साफसफाई करून मंदिराची उभारणी केली. त्यानंतर माजी आ. रामप्रसाद बोर्डीकर यांनी स्वनिधीतून सभामंडप बांधला. ४० वर्षांपासून या ठिकाणी दर संकष्ट चतुर्थी आणि गणेशोत्सव कालावधीत येथे भाविकांची दर्शनासाठी रीघ लागते. जिल्हाभरातून भाविक श्रद्धेने दर्शनासाठी येतात.
