आशाताई बच्छाव
पत्रकार हल्लाविरोधी कायद्यांतर्गत गुन्हा दाखल करा
शत्रुघ्न काकडे पाटील:-ब्युरो चिफ (युवा मराठा न्युज नेटवर्क परभणी)
(परभणी)पूर्णा :-तालुक्यातील माखणी येथील पत्रकार जनार्धन आवरगंड यांच्यावर गावातील सरपंच गोविंद हरीभाऊ आवरगंड व इतर यांनी मारहाण केली त्यांच्या विरोधात पत्रकार हल्ला विरोधी कायदा अंतर्गत गुन्हा दाखल करून लवकरात लवकर अटक करण्यात यावी अशी मागणी पूर्ण तालुका मराठी पत्रकार संघाकडून तहसीलदार पूर्णा यांना निवेदन देऊन करण्यात आली आहे.
लोकशाहीचा चौथा आधारस्तंभ असलेला ग्रामीण भागातील पत्रकारावर हल्ला करून आवाज दाबण्याचा प्रयत्न होत आहे. तरी पत्रकार जनार्धन आवरगंड यांच्यावर हल्ला करणाऱ्या हलेखोरांवर कडक शासन करण्यात यावे अन्यथा तालूका पत्रकार संघटनेच्या वतीने तीव्र अंदोलन घेडण्यात येईल असा इशाराही या निवेदनातून देण्यात आला आहे. निवेदनावर दौलत भोसले, सुशिलकुमार दळवी, अच्युत जोगदंड, मुजीब कुरेशी, गजानन हिवरे, माधवराव मोहिते, केदार पाथरकर, संपत तेली, मोहन लोखंडे, आदींच्या स्वाक्षऱ्या आहेत.