आशाताई बच्छाव
जे.टी.कासलीवाल इग्लिश मिडीयम स्कूल मध्ये विद्यार्थ्यांनी केला गोपालकाला- दहीहंडी उत्सव नांदगांव प्रतिनिधी-अनिल धामणे
नांदगाव येथील नावाजलेले जगन्नाथ ताराचंद कासलीवाल इंग्लिश मीडियम स्कूल च्या प्रागंणात दहीहंडी उत्सव मोठ्या उत्सवात संपन्न झाला.श्रीकृष्ण जन्माष्टमी निमित्ताने विविध कार्यक्रमांचे आयोजन करण्यात आले होते .या प्रसंगी विद्यार्थ्यांनी समूह नृत्य,श्लोक पठन तसेच नृत्याविष्कारातून विविध श्रीकृष्णाच्या लिला सादर केल्या. श्रीकृष्ण व राधेच्या विविध वेशभूषेतील चिमूरड्यांनी श्रीकृष्णाच्या गाण्यावर ठेकाधरीत आपल्या नृत्यविष्काराची प्रचिती उपस्थित पालक व शिक्षकांना दिली. लहानग्या बालगोपालांनी मोठ्या जल्लोषात दहीहंडी फोडली तसेच आठवी नववीचे विद्यार्थी या दहीहंडी उत्सवात सहभागी झाले होते. या कार्यक्रमा प्रसंगी संस्थेचे सेक्रेटरी विजय चोपडा ,प्रिन्सिपल मणी चावला उपस्थित होते. फोडलेल्या दहीहंडीतील प्रसाद गोपालकाला म्हणून सर्व विद्यार्थ्यांना वाटण्यात आला.
सर्व विद्यार्थ्यांना श्रीकृष्णजन्माष्टमी निमित्ताने संस्थेचे चेअरमन सुनिलकुमारजी कासलीवाल तसेच संस्थेचे सेक्रेटरी विजय चोपडा, जुगलकिशोर अग्रवाल, रिखबकाका कासलीवाल, महेंद्र भाऊ चांदीवाल,सर्व पदाधिकारी, प्रशासक गुप्ता प्रिन्सिपल मनी चावला शिक्षक व शिक्षकेतर कर्मचारी यांनी शुभेच्छा दिल्या.
कार्यक्रमाचे सूत्रसंचालन श्री शैलेंद्र दामले,यांनी तर आभार प्रदर्शन रिटा उबाळे यांनी केले.
