आशाताई बच्छाव
परभणी पोलीस अधीक्षकांची अचानक सेलू पोलीस ठाण्यात भेट
शत्रुघ्न काकडे पाटील:-ब्युरो चिफ (युवा मराठा न्युज नेटवर्क परभणी)
परभणी :- पोलीस अधीक्षक जयंत मीना यांनी गुरुवारी दुपारी १ वाजता सेलू ठाण्यास अचानक भेट दिली. यानंतर तब्बल ६ तास पोलीस अधीक्षक यांनी ठाण्यात तपासणी केली. दरम्यान, अधिकारी, कर्मचाऱ्यांना त्यांनी सूचना दिल्याची माहिती समजते.
गुरुवार १८ ऑगस्ट रोजी दुपारी १ वाजता पोलीस अधीक्षक जयंती मीना व इतर पोलीस अधिकारी यांचा ताफा सेलू ठाण्यात दाखल झाला. अचानक झालेल्या दौऱ्याने येथील कर्मचारी गोंधळून गेले. त्यानंतर पथकाने ठाण्यातील सर्व अभिलेखांची बारकाईने तपासणी केली. यामध्ये दाखल होत असलेल्या गुन्ह्याचे प्रमाण कमी करणे, दोषारोपपत्र ३० दिवसात पूर्ण करणे, याशिवाय आरोपींना अटक करणे, न्यायालयात हजर करतांना सर्वोच्च न्यायालयाने दिलेल्या निर्देशाचे काटेकोरपणे पालन करावे, अशा सूचना पोलीस अधीक्षक यांनी अधिकारी व कर्मचाऱ्यांना दिल्या.
याप्रसंगी मिसिंग व दुचाकी चोरी तक्रारी पाहता त्यांनी नाराजी व्यक्त केली. अचानक तपासणीत मात्र पोलीस निरीक्षक रावसाहेब गाडेवार व इतर काही कर्मचारी तपासकामी मुंबईला गेले होते. इतर सर्व अधिकारी व कर्मचारी हजर होते. पोलीस अधीक्षक जयंत मीना हे सायंकाळी ७ वाजता परभणीकडे रवाना झाले.
