आशाताई बच्छाव
(भिला आहेर युवा मराठा न्युज नेटवर्क)
देवळा प्रतिनिधी :- राष्ट्रीय एकात्मता जपण्यासाठी समाजातील सर्व घटकांनी एकत्र येणे गरजेचे असून प्रशासनाने जनजागृती करून जनतेतील शेवटच्या नागरिकांपर्यंत अभियानाची माहिती पुरवून अभियान यशस्वी करावे असे प्रतिपादन आमदार डॉ. राहुल आहेर यांनी केले ते देवळा येथील प्रशासकीय इमारतीच्या सभागृहात आयोजित स्वातंत्र्यदिनाच्या अमृतमहोत्सवी कार्यक्रमानिमित्त आयोजित बैठकीत ते बोलत होते. यावेळी हर घर तिरंगा अभियानांतर्गत प्रतिनिधीक स्वरूपात तिरंगा ध्वजाचे वाटप आमदार डॉ. आहेर यांच्या हस्ते करण्यात आले.
यात प्रामुख्याने रांगोळी स्पर्धा, स्वच्छता मोहीम, ऐतिहासिक वारसा असलेल्या ठिकाणी एकत्र येऊन स्वच्छता मोहीम राबविणे, आरोग्यविषयक बाबी,महिला मेळावा,बचतगटांना मार्गदर्शन ,बालविवाह यासारख्या गोष्टींवर देखील चर्चा होणार आहे तसेच ११ऑगस्टला भौगोलिक इतिहास उलगडला जाईल ,मोबाईलचे दुष्परिणाम याबाबत मार्गदर्शन, आर्थिक साक्षरता अभियां,शेतकरी मेळावा घेऊन सेंद्रिय शेती या विषयावर मार्गदर्शन ,पर्यावरण संवर्धन शपथ, प्लास्टिक बंदी,वृक्षारोपण,प्रभातफेरी, शालेय स्पर्धा याप्रमाणे दि.९ ते १७ ऑगस्ट दरम्यान कार्यक्रमाचे आयोजन करण्यात आले असून १७ तारखेला या सर्व कार्यक्रमाचे समारोप करण्यात येणार असल्याची माहिती गटशिक्षणाधिकारी सतिश बच्छाव यांनी दिली.यावेळी चांदवड देवळ्याचे प्रांताधिकारी चेंद्रशखर देशमुख, तहसीलदार विजय सूर्यवंशी,गटविकास अधिकारी राजेंद्र देशमुख, पोलीस निरीक्षक दिलीप लांडगे,कृषी अधिकारी सचिन देवरे,नायब तहसिलदार विजय बनसोडे, भाजपा देवळा तालुकाध्यक्ष किशोर चव्हाण तसेच देवळा तालुक्यातील सर्व सरपंच, प्रशासक,ग्रामविकास अधिकारी, ग्रामसेवक, तलाठी,सर्व विभागांचे खातेप्रमुख,सर्व विस्तार अधिकारी आदी मोठ्या संख्येने उपस्थित होते.