आशाताई बच्छाव
माजी कॅबिनेट मंत्री डॉ.संजय कुटे यांना पुन्हा मंत्रिपद मिळण्याची दाट शक्यता
युवा मराठा न्युज, रवि शिरस्कार संग्रामपुर
एकनाथ शिंदे नेतृत्वात शिवसेनेचे आमदार व मंत्री सद्या गुवाहाटीत जाऊन बसल्याने राज्यातील सरकार अस्थीर झाले. राष्ट्रपती राजवट किंवा त्यामुळे सरकार कधीही बरखास्त होऊन नवीन सरकारचा कधीही नवा शपथविधी होऊ शकतो अशी एकूणच परीस्थीती निर्माण झाली आहे. त्यामुळे येणारे सरकार हे सेनेचे बंडखोर आमदार व भाजपा युतीचे असेल यात आता शंका उरली नाही. तसे झालेच तर गेल्या सात दिवसा पासुन सेना आमदारांची बंडखोरी हाताळणे व त्यावर पाहीजे तसे आयुर्वेदीक लायबल उपचार करणारे माजी मंत्री आ. डॉ. संजय कुटे यांचेसह जळगाव जा. मतदार संघाला अच्छे दिन येण्याची शक्यता नाकारता येत नाही. जर सत्ता पालट होऊन भाजपा व बंडखोर सेना आमदारांच्या युतीचे सरकार राज्यात आलेच तर आ. डॉ. संजय कुटेंना कॅबीनेट मंत्री पदाचे मोठे गिफ्ट नक्कीच मिळणार अशी चर्चा सर्वत्र मतदार संघाकडून होत आहे. प्रथम सुरतमधे मुक्कामी असलेल्या सेनेच्या आमदारांशी चर्चा करण्यासाठी प्रदेश भाजपाने आ. डॉ. कुटे यांनाच प्रथम हवाई मार्गे तातडीने पाठवले होते. त्यानंतर सध्या गुवाहाटीत असलेल्या बंडखोर आमदारांच्या संपर्कात भाजपाचे सर्वच बडे नेते आहेत.
यातही आ. डॉ. संजुभाऊ आघाडीवर आहेत. जर का समजा भाजपा व हे सेनेचे बंडोबा आमदार यांचे मिळून सरकार स्थापन झालेच तर आ. डॉ. संजय कुटेंचे नाव शपथ विधीत पहिल्या पाच मधेच असणार हे आता कोणीही नाकारू शकत नाही. मागील वेळी ते फक्त सहा महिने मंत्री राहुन गेले असले तरी आता मात्र पूर्ण अडीच वर्षाचा कालावधी मिळणार असल्याची चर्चा होत आहे. त्यामुळे जळगाव जा. मतदार संघासह आ.डॉ. संजय कुटेना मंत्रिपद नक्कीच मिळणार असल्याची असल्याची चर्चा सर्वत्र होत आहे.
