आशाताई बच्छाव
स्वाभिमानीचे प्रशांत डिक्कर यांच्या सह २५ आंदोलकांना जळगाव न्यायालयाकडुन जामिन मंजुर..! संग्रामपूर/रविंद्र शिरस्कार युवा मराठा न्युज
जळगाव/शेतकऱ्यांच्या हक्काचे ६४ कोटी पिक विमा रक्कम शेतकऱ्यांना मिळेपर्यंत रिलायन्स कंपनीच्या विरोधात वेळोवेळी केलेल्या आंदोलनातुन दाखल झालेल्या गुन्ह्यातील प्रशांत डिक्कर यांच्या सह २५ आंदोलकांची न्यायालयाने जामिनावर सुटका केली आहे. मागिलवर्षी पिक विमा प्रश्नावर आंदोलनाची धार कायम ठेवत स्वाभिमानीने सतत संघर्ष चालुच ठेवला. आणि तालुक्याच्या तहसील कार्यालयापासुन ते मुंबई मंत्रालय पर्यंत आणि शेवट कृषी आयुक्त पुणे कार्यालयासह ठिकाणी वेळोवेळी आंदोलने करुन विमा कंपनीला ६४ कोटी विमा रक्कम शेतकऱ्यांना देण्यास भाग पाडले हि वस्तुस्थिती आहे. जळगाव मतदार संघातील ५५ हजार दोनशे शेतकऱ्यांना सोयाबीनचा पिक विमा मिळवुन देण्यासाठी आंदोलनांच्या माध्यमातून कंपनी व प्रशासनाच्या विरोधात उपोषण, मोर्चे, मेळावे आंदोलने केल्याने शेकडो आंदोलकांवर विविध कलमान्वे गुन्हे दाखल करण्यात आले होते. यातील एका मेळाव्यामधे पोलिसांनी २९ आंदोलकांवर गंभीर स्वरुपाचे गुन्हे दाखल केले होते. त्यामुळे १५ जुन रोजी २९ आंदोलकांना न्यायालयाने समन्स बजावुन २७ जुन रोजी जळगाव न्यायालयात हजर राहण्याचे आदेश दिले. जळगाव न्यायालयाचे न्यायदंडाधिकारी श्री एस एच बेलेकर यांनी हजर झालेल्या आंदोलकांना प्रत्येकी १५ हजाराच्या जात मुचलक्यावर २६ आंदोलकांची सुटका केली असुन, यावेळी नामांकित वकील ॲड रुपेश विश्वकर यांनी पक्षकारांच्या वतीने काम पाहिले. यामधे स्वाभिमानीचे प्रशांत डिक्कर,रोशन देशमुख,सुपेश वाघ,मोहन गांवडे,नानाराव वाघ,महादेव वाघ, विनोद करांगळे,विजय वाघ,नरेंद्र वाघ,प्रमोद करांगळे,दिनेश वाघ,प्रकाश वाघ, भिमराव तिजारे,राजेंद्र वाघ,शुभम वाघ,सागर वाघ, मंगेश वाघ, विनोद पान्हेरकर,सहदेव सातव,सचिन वाघ,मयुर गायकी, देविदास पान्हेरकर,अंनता पान्हेरकर,अक्षय वाघ,सुनिल वानखडे,अंनता गायकी उपस्थित होते.
