राजेंद्र पाटील राऊत
मालेगावची अजब गजब दुनिया,
लोकांचे भविष्य सांगणाऱ्या ज्योतिषाला स्वतःच्या भविष्याची चिंता…!
(राजेंद्र पाटील राऊत युवा मराठा न्युज)
मालेगांव– खान्देशकन्या कवियत्री बहिणाबाई चौधरी यांनी आपल्या परखड अहिराणी बोलीभाषेतून रुढी परंपरा चालीरितीवर सडकून टिका आपल्या काव्यातून केली होती.बहिणाबाई म्हणायच्या,”अरे अरे ज्योतिषा नको हात माह्या पाहू,माहे भविष्य माले कये..माह्या दारी नको येऊ”हे बहिणाबाईचे मर्मभेदक सत्य आजही खरच किती सत्य आहे.आपले भविष्य तळहाताच्या रेघांमध्ये नसून,ते आपल्या कष्टावर व परिश्रमावर अवलंबून आहे,असे बहिणाबाई ठणकावून सांगतात.
मात्र तरीही या विज्ञानयुगात स्वतः ला सुशिक्षित व बुध्दीमान म्हणवून घेणारे जेव्हा आपल्या जीवनाचे भविष्य जाणून घेण्यासाठी ज्योतिषाचा सहारा घेतात तेव्हा त्यांच्या बुध्दीची किव येते.मालेगांवच्या कँम्परोडवरील अप्पर सत्र न्यायालयाच्या बाहेरच एक कुरमुडे ज्योतिषी अवघ्या काही रुपयात लोकांच्या आयुष्याचे निकल व प्रश्न सहज चुटकीसरशी सोडवतो.जे काम न्यायालयाला सहज शक्य होत नाही वर्षानूवर्ष प्रलंबित पडलेल्या केसेसचा अद्याप न्यायनिवाडा झालेला नाही तेथे मात्र हा कुरमुडे ज्योतिषी भविष्य सांगून तुमचा निकाल व निर्णय लगेचच लावून मोकळा होतो,म्हणजे मालेगावची अजब गजब दुनियादारी ती हिच! स्वतःच्या जीवनाचे भविष्य माहित नसलेला ज्योतिषी मात्र पोटाची खळगी भरण्यासाठी काही तरी कृल्प्त्या करुन पोट भरतो एवढे मात्र खरे!
