राजेंद्र पाटील राऊत
बामणीत मासे संकलन केंद्रावर हल्ला करून मारहाण झाल्याची घटना
युवा मराठा न्युज :-शत्रुघ्न काकडे पाटील
(परभणी)जिंतूर तालुक्यातील मत्स्यव्यवसाय सहकारी संस्थेच्या बामणी येथील मासे संकलन केंद्रावर दि.5 मे रोजी आम्हाला कामावर का घेत नाहीत म्हणून बामणी येथील आठ जणांनी हल्ला करीत मासे संकलन केंद्रावरील सामानाची तोडफोड करून तेथील खाजगी कर्मचाऱ्यांना मारहाण करण्यात आली आहे. संस्था अध्यक्ष सं.माबुद यांच्या फिर्यादी वरून आठ जणांवर गुन्हा दाखल करण्यात आला आहे.
स्व.राजीव गांधी मत्स्यव्यवसाय सह, संस्था मर्यादित येलदरी कार्यालय अंतर्गत बामणी येथे मासे संकलन केंद्र आहे याच मासे संकलन केंद्रावर आम्हास कामावर का घेत नाहीत म्हणून गावातील गोविंद प्रभाकरराव देशमुख व राम उर्फ छकुला छबुराव जाधव यांच्या सह आठ जण चार दुचाकीवर रात्री 10 वाजता येऊन आठ जणांनी अचानक हल्ला चढवला हातातील लाठ्या काठ्यांनी येथील खाजगी कर्मचाऱ्यांना मारहाण करण्यात आली यामध्ये संकलन केंद्राचे सुपरवायझर धर्मेंद्र कुमार चव्हाण ,जगदीश सहाणे, मलिन सहाणे यांना मारहाण केल्याने ते जखमी झाले आहेत तसेच शेख अबुसाद याने भांडणे सोडविण्याचा प्रयत्न केला असता शेख अबुसाद यास सदर लोकांनी शिवीगाळ केली तसेच मोहम्मद अरमान नसरुल्ला अहमद यांचे भांडणात पैश्याचे पॅकेट गोविंद देशमुख याने घेऊन गेला.जाताजाता त्या लोकांनी तुम अगर याहपर रहें तो तूम्हे और इस शड को पेट्रोल डालकर जला देंगे असे म्हणत तेथील खुर्च्या ,टेबल, CCTV कॅमेरे इतर वस्तूंची तोडफोड करून 10 हजार रु नुकसान केले आहे. अशी फिर्याद संस्था अध्यक्ष सय्यद माबुद सय्यद महेबूब यांनी दिली त्यावरून आरोपी गोविंद प्रभाकरराव देशमुख व राम उर्फ छकुला छबुराव देशमुख यांच्या सह आठ जणांवर कलम 323,504,506,143,145,147,148,149 प्रमाणे गुन्हा दाखल करण्यात आला आहे.एक आरोपी अटक असून पुढील तपास पोलीस निरीक्षक गोवर्धन भुमे हे करीत आहेत.