राजेंद्र पाटील राऊत
शिवसेना आमदार संजय शिरसाट यांचा महिला सरपंच परिषदेत ‘शिवीगाळ’,महिला ग्रामसेवकांचा अपमान…!
पालघर /ठाणे वैभव पाटील
औरंगाबाद येथे दि.८/११/२०२१ रोजी महिला सरपंच परिषदेचे नियोजन करण्यात आले होते. या कार्यक्रमात शिवसेनेचे आमदार संजय शिरसाट यांची मार्गदर्शन करताना जीभ घसरली,स्वतःच्या अकलेचे तारे तोडून सरपंच अधिकारी वर्गात आमदार म्हणून आपण किती लायक आहोत हे दाखवून दिले आहे.
शिरसाट म्हणाले, ‘एक लक्षात ठेवा, सगळ्यात जर भामटा माणूस असेल तर तो ग्रामसेवक आहे. तो तुम्हाला कधी मूर्ख बनवेल हे सांगता येत नाही.तो तुमचे ऐकतो असे दाखवेल पण बाहेर गेल्यास सरपंचांच्या सांगण्यावरून केले असे सांगत स्वतःच्या अंगावर काही येऊ देत नाही’ या वक्तव्याने आता नवा वाद सुरु झाला आहे. याचे पडसाद आज उमटले असून महाराष्ट्र राज्य ग्रामसेवक युनीयनने आ. शिरसाट यांनी माफी मागावी अशी मागणी केली आहे. आज त्यांनी एक दिवसीय काम बंद आंदोलन पुकारले आहे.
येथे महिला सरपंच कार्यक्रम चालू असताना आमदार संजय शिरसाट यांनी ” ग्रामसेवक हे भामटे असतात, हरामखोर ” असे अपशब्द वापरले आहेत. या प्रकारामुळे अपमानीत,नाराज झालेल्या सर्व ग्रामसेवक कामगारांनी दि.९/११/२०२१ रोजी काळया फिती लावून काम बंद आंदोलन केले आहे.
तसेच महाराष्ट्र राज्य ग्रामसेवक युनियन शाखा पालघर यांनी शिवसेना आमदार संजय शिरसाट यांच्यावर शासकीय व्यासपीठावरून सरपंच व ग्रामसेवक यांच्यात तेढ निर्माण करण्याचा प्रयत्न,तसेच चितावनीखोर भाषण केल्या बदल आमदार शिरसाट यांच्यावर भारतीय दंड संहिता १८६० चे कलम १०७,१५३ अ ,२२८,२९४,५००,५०४,५०६ नुसार फौजदारी गुन्हा दाखल करण्यात यावा अशी मागणी केली आहे. पालघर जिल्ह्यातही वाडा, पालघर, वसई विक्रमगड या तालुक्यात महाराष्ट्र राज्य ग्रामसेवक युनियन च्या वतीने तहसीलदार कार्यालयात निवेदन देण्यात आले.
तरी युवा मराठा वेब न्युज चॅनल अँड पेपर च्या वतीने सुध्दा औरंगाबाद आमदार संजय शिरसाट यांचा महिलांना अपमानीत करणाऱ्या वक्तव्याचा निषेध करतो, ठाकरे सरकारने ही असा आमदारकी मिळाल्यामुळे डोक्यात हवा गेलेल्या अशिक्षित लोकांना आमदारकी सर्व काही नसते तर समाजामुळे आपण आमदार आहोत याची जाणीव करून द्यावी, या आधी सुद्धा युवा मराठा वेब न्युज चॅनल ने राष्ट्रवादी काँग्रेस पक्षाचे आमदार राजू नवघरे यांनी महाराष्ट्राचे आराध्य दैवत छत्रपती शिवाजी महाराजांच्या पुतळ्याची विटंबना केली होती तेव्हा युवा मराठा पत्रकार महासंघ कडून जोरदार विरोध केला होता,ह्या आमदार साहेबांचां देखील आम्ही जोरदार विरोध,निषेध करतो…
तात्काळ यांच्यावर कारवाई झाली नाही तर संपूर्ण महाराष्ट्रात हे नवे आंदोलन उभे राहिले याची सर्वस्वी जवाबदारी राज्य सरकारची असेल याची नोंद घ्यावी.
