राजेंद्र पाटील राऊत
*कोरोना अन् महागाईमुळे सर्वसामान्य हताश..*
जीवनावश्यक वस्तूंचे भाव गगनाला गरीबांची डाळ शिजेना
मुखेड तालुका प्रतिनिधी मनोज बिरादार (युवा मराठा न्यूज नेटवर्क)
मुखेड तालुक्यात कधी ओला दुष्काळ, तर कधी कोरडा दुष्काळ तर कधी अवकाळी अतिवृष्टी तर कधी ढग फुठी यासारख्या परिस्थितीमुळे उत्पादनात होणारी घट ही वाढत्या महागाईची कारणे ठरत आहेत, परंतु यामुळे होणाऱ्या जीवनावश्यक वस्तूंच्या सततच्या दरवाढीमुळे सर्वसामान्य नागरिकांचे जगणे मुश्कील झाले आहे.
आधीच दुष्काळ व त्यात तेरावा महिना ( अधिक मास ) या मराठीतील म्हणीप्रमाणे सर्वसामान्य नागरिक वाढत्या महागाईचा सामना करत असताना समोर आणखीन कोरोना सारखे संकट परत आले आहे. एक तर कोरोना संकटामुळे शहरात नोकरी संदर्भात वास्तव्यास असणाऱ्या बऱ्याच जणांच्या नोकऱ्या गेल्याने बेरोजगारीचे प्रमाण आणखीनच वाढले आहे. आणि सततची होणारी दरवाढ यामुळे सर्वसामान्यांच्या मनात संतापाची लाट निर्माण झाली आहे. त्यातच शेतीमालाला असलेल्या कमी दरामुळे व उत्पादनात घट होणार या शेतकऱ्यांची आर्थिक बाजू कोलमडली आहे.
▪️
व्यवसाय करणे परवडत नाही
किराणा मालातील खाद्यातेला सह शेंगदाणा कडधान्यांच्या किंमतीत लक्षणीय वाढ महिन्याभरात झाली आहे. ग्राहक आम्हाला महागात वस्तु विकत असल्याच्या तक्रारी करतात परंतु घाऊकामध्ये किंमती वाढल्या तर आम्हालाही व्यवसाय करणे परवडत नाही.
एक किराणा दुकानदार
▪️
ताळमेळ बसविताना दमछाक
महागाई दिवसेंदिवस वाढत आहे त्या तुलनेत उत्पादन बरेच घटलेले आहे. शेतीमाल शिकुन मिळणा-या पैशात पुढील शेतीचा खर्च, मुलांच्या शिक्षणाचा खर्च, दुध, गँस सिलेंडर, किराणा, भाज्या या सगळ्यांचा ताळमेळ बसवताना दमछाक होत आहे.
▪️
आमची सोयाबीन चार हजार ते साडेचार हजार रुपये क्विंटल दराने खरेदी करतात आणि आम्हांला त्यात सोयाबीनचे तेल १५० रुपये किलो दराने घ्यावे लागते. आमच्या शेतीमालाला भाव नाही, परंतु आमच्या शेतमालावर प्रक्रिया करून दुप्पट-तिप्पट भावानी विकून आमचीच लूट केली जात आहे.
मनोज पाटील बनबरे,
संभाजी ब्रिगेड विधानसभा अध्यक्ष मुखेड
▪️
जीवनावश्यक वस्तू चे सध्याचे बाजार भाव
खाद्यतेल १५० रु प्रतिकिलो
शेंगदाणा १२० रु प्रतिकिलो
साखर ३५ रु प्रतिकिलो
मुगदाळ ९० / १०० प्रतिकिलो
उडीदडाळ ११० /१२० रु.प्रतिकिलो
तांदूळ. ५५/६५ रु प्रतिकिलो