राजेंद्र पाटील राऊत
भोगमवाडी गावात दोन चिमुरड्यांचा शेततळ्यात बुडून मृत्यू
कोल्हापूर:करवीर तालुक्यातील भोगमवाडी येथील दोन चिमुरड्यांचा शेत तळ्यात बुडून मृत्यु . आदर्श बाजीराव भोगम वय ७ , आणि अमित अशोक भोगम वय १० वर्ष आहे . सदर घटना रविवारी रात्री नातेवाईकांना समजली. अमित इयत्ता चौथीत , तर आदर्श इयत्ता पहिलीला होता.
खेळता, खेळता दुपारी घरातून बाहेर पडलेले दोघे भाऊ घरी परतलेच नाहीत.
त्यानंतर नातेवाईकांनी शोध घेतला असता शेततळ्याच्या काठावर त्या दोघांची चपलं व कपडे आढळून आले. शेततळ्यामध्ये शोध घेतल्यावर त्या दोघांचे मृतदेह सापडले.
अमित भोगम याच्या मागे भाऊ व आई-वडील आहेत. आणि आदर्शच्या भोगमच्या मागे दोन बहिणी व आई-वडील असा परिवार आहे. दोन्ही मुलांच्या आई-वडिलांचा आक्रोश हृदय पिळवटून टाकणारा होता. या घटनेने भोगमवाडी गावात हळहळ व्यक्त होत आहे संपूर्ण गावावर शोककळा पसरली ह्या घटणेची नोंद राधानगरी पोलिसांत केली आहे. (युवा मराठा न्युज नेटवर्क)