राजेंद्र पाटील राऊत
तालुक्यातील बिनविरोध ग्रामपंचायतीसाठी पंधरा लाखाचा निधी – आ . संजयमामा शिंदे
सोलापूर,( महादेव घोलप प्रतिनिधी युवा मराठा न्युज नेटवर्क)-
करमाळा 2020 ते 2025 या पंचवार्षिक निवडणुकीत सोलापूर जिल्ह्यातील करमाळा तालुक्यात 51 ग्रामपंचायतीचा समावेश आहे . या ग्रामपंचायती पैकी जास्तीत जास्त ग्रामपंचायती बिनविरोध कशा होतील याकडे गाव पुढाऱ्यांनी लक्ष द्यावे असे आवाहन करतानाच बिनविरोध ग्रामपंचायतीसाठी आपण कमीत कमी 15 लाख रुपयांचा निधी आमदार फंडामधून देऊ अशी घोषणा आ . संजयमामा शिंदे यांनी केली आहे . याविषयी अधिक माहिती देताना ते म्हणाले की , पंचायतराज व्यवस्थेमध्ये ग्रामपंचायत हा पायाभूत घटक आहे . त्यामुळे ग्रामपंचायत हाच खऱ्या अर्थाने ग्रामविकासाचा पाय आहे . गटातटाचे राजकारण न करता गाव विकासासाठी गावातील मतदारांनी बिनदि पद्धतीने ग्रामपंचायत निवडली तर त्या गावाचा विकास निश्चितच होत असतो . करमाळा तालुक्यातील उमरड , शेटफळ , कुंबेज केडगाव , अर्जुननगर , मिरगव्हाण , पाडळी , पांडे , पोटेगाव , बाळेवाडी , घारगाव , फिसरे , करंजे , कोळगाव , दिलमेश्वर , कुंभेज , सरपडोह , गुळसडी , ढोकरी , जेऊरवाडी , कोंढेज , झरे , शेलगाव ( क ) , सौंदे , हिवरे , निमगाव , साडे , सालसे , आळसुंदे , नेरले , हिसरे , पांगरे , पाथर्डी , सांगवी , मलवडी , कविटगाव , हिवरवाडी , अळजापूर , देवीचामाळ , वडगाव , पुनवर , देवळाली , बोरगाव , बिटरगाव , पोथरे , भोसे , रोशेवाडी , जातेगाव , पिंपळवाडी , सावडी या ग्रामपंचायतींच्या निवडणुका होत आहेत . या ग्रामपंचायती पैकी जास्तीत जास्त ग्रामपंचायती बिनविरोध कराव्यात असे आवाहन त्यांनी तालुकावासियांना केले आहे.
