🛑 *खडसे यांच्यासाठी पुणे जिल्ह्यातील एका मंत्र्याला सोडावे लागणार पद* 🛑

🛑 *खडसे यांच्यासाठी पुणे जिल्ह्यातील एका मंत्र्याला सोडावे लागणार पद* 🛑
✍️ पुणे 🙁 विलास पवार पुणे ब्युरो चीफ युवा मराठा न्युज )

पुणे :⭕भाजपचे ज्येष्ठ नेते एकनाथ खडसे यांनी राष्ट्रवादी काँग्रेसमध्ये प्रवेश करणार असल्याच्या पार्श्वभूमीवर पुणे जिल्ह्यातील एका मंत्र्याला आपले पद सोडावे लागणार आहे.

राज्यात सत्तारूढ महाविकास आघाडीच्या मंत्रिमंडळात पुणे जिल्ह्यातील 3 मंत्री कार्यरत आहेत. त्यामध्ये उपमुख्यमंत्री अजित पवार, कामगार मंत्री दिलीप वळसे पाटील आणि राज्यमंत्री दत्तात्रय भरणे यांचा समावेश आहे. आता नव्याने भाजपचे ज्येष्ठ नेते खडसे राष्ट्रवादी काँग्रेसमध्ये प्रवेश करणार आहेत. त्यांनी भाजप-सेना युतीची सत्ता राज्यात असताना अनेक विभागाचे मंत्री म्हणून काम केले आहे. त्याचबरोबर विधानसभेतील विरोधी पक्षनेते, तसेच भाजपमधील राज्यस्तरीय सर्वोच्च पदांवर काम केले आहे. या पार्श्वभूमीवर त्यांचा राष्ट्रवादी काँग्रेसच्या वतीने राज्यमंत्रिमंडळात कॅबिनेट मंत्री म्हणून समावेश करून सन्मान केला जाणार आहे.

खडसे यांना कॅबिनेट मंत्री करताना त्यांना कृषी खाते देण्यात येणार असल्याचे बोलले जाते. सध्या शिवसेनेचे नाशिकचे दादा भुसे हे कृषिमंत्री आहे.

ते खाते खडसेंना द्यावे आणि त्याबदल्यात भुसे यांना दुसरे खाते देण्याची कुजबुज सुरू आहे.

खडसे सध्या विधानसभा अगर विधानपरिषद अशा कोणत्याही सभागृहाचे सदस्य नाहीत. त्यांना मंत्री केल्यावर 6 महिन्यांत विधानपरिषदेचे सदस्य व्हावे लागेल. सध्या राज्यपाल नियुक्त 12 विधानपरिषदेच्या जागा भरण्याचा विषय प्रलंबित आहे. त्यामध्ये खडसे हे विधानपरिषदेचे सदस्य होण्याची दाट शक्यता आहे.

खडसे यांच्यामुळे खान्देशात राष्ट्रवादी काँग्रेसची ताकद मोठ्या प्रमाणात वाढणार आहे. त्यामुळे राष्ट्रवादी काँग्रेसकडून त्यांचा कॅबिनेट मंत्री म्हणून राज्यमंत्री मंडळात समावेश होणार आहे.

मात्र त्यासाठी पुणे जिल्ह्यातील एका मंत्र्याला आपले पद गमवावे लागणार असल्याची जोरदार चर्चा आहे….⭕