आशाताई बच्छाव
माझा मुलगा मृतक तपिस यांना न्याय द्या -न्यायासाठी आई-वडील रस्त्यावर
वडील दीनदयाल घरडे व आई बेबीनंदा घरडे यांचे 33 दिवसापासून जिल्हाधिकारी कार्यालयासमोर आमरण उपोषण सुरू ,परंतु जिल्हा प्रशासनाचे दुर्लक्ष
भीम आर्मी ने दिला पाठिंबा केली आमरण उपोषणास सुरुवात
पत्रकार संजीव भांबोरे यांनी पीडित परिवाराची घेतली भेट
संजीव भांबोरे
भंडारा -आज दिनांक 9 मे 2025 ला सायंकाळी 7 वाजता जिल्हाधिकारी कार्यालयासमोरील त्रिमूर्ती चौकात सुरू असलेल्या आमरण उपोषणास प्रेस संपादक व पत्रकार सेवा संघटनेचे राज्य सरचिटणीस पत्रकार संजीव भांबोरे यांनी भेट देऊन उपोषणकर्त्यांची परिस्थिती जाणून घेतली . मुलगा तपिस याला तात्काळ न्याय देण्यात यावा याकरिता मुलाचे आई वडील मागील 33 दिवसापासून जिल्हाधिकारी कार्यालयासमोर आमरण उपोषणास बसलेला आहे् 33 दिवसाचा कालावधी लोटला तरी जिल्हा प्रशासनाने अजून पर्यंत दखल घेतलेली नाही. पत्नी बेबीनंदा हिची प्रकृती खालावली असून 8 मे 2025 पासून शासकीय रुग्णालयात भरती करण्यात आले आहे. दीनदयाल घरडे यांची सुद्धा प्रकृती ढासळली असून त्यांना सुद्धा 10 मे 2025 पासून भरती करण्यात येणार आहे. या आमरण उपोषणास भीम आर्मीचे भंडारा जिल्हा प्रभारी विक्रांत भालाधरे यांच्या नेतृत्वात पदाधिकारी यांनी त्यांना न्याय मिळाला पाहिजे म्हणून भीम आर्मीने पाठिंबा दिला असून कार्यकर्ते आमरण उपोषणास बसलेली आहेत. समजा या आमरण उपोषणाची प्रशासनाने तात्काळ दखल न घेतल्यास आंदोलन तीव्र करण्याचा इशारा सुद्धा भीम आर्मीने दिलेला आहे. व मोकाट फिरत असलेल्या आरोपींना तात्काळ अटक करण्यात येऊन गुन्हा दाखल करण्यात यावा .याबाबतचे निवेदन जिल्हा पोलीस अधीक्षक भंडारा, तहसीलदार साहेब भंडारा, मुख्य कार्यपालन अधिकारी जिल्हा परिषद भंडारा अध्यक्ष वकील संघ ,पोलीस निरीक्षक भंडारा यांना देण्यात आलेले आहे. यावेळी उपोषण स्थळी प्रामुख्याने पत्रकार संजीव भांबोरे, विक्रांत भालाधरे भंडारा जिल्हा प्रभारी भीम आर्मी ,अश्विन गोस्वामी जिल्हा संपर्कप्रमुख ,प्यारेलाल तिरपुडे भीम आर्मी ,युगांतर मेश्राम भीम आर्मी ,शुभम लोणारे ,महेंद्र बनसोड, चेतन काणेकर, प्रल्हाद वानखेडे ,अंजिराताई रंगारी, अर्चनाताई वानखेडे, मनोज खोब्रागडे, आशिष बोरकर ,शुभम लोणारे , चेतन काणेकर, शुभम मडामे व भंडारा पोलीस निरीक्षक सुभाष बारसे यावेळी प्रामुख्याने उपस्थित होते.
