आशाताई बच्छाव
नव्या वर्षाला युवकांचा नवा संकल्प
सेंदूरवाफा साकोलीत “युवाशक्ती संघटना” स्थापित ; झाले फलकाचे अनावरण
संजीव भांबोरे
भंडारा (जिल्हा प्रतिनिधी) : नविन वर्षाच्या निमित्त येथील युवकांनी एक संकल्प हाती घेतला. युवक कल्याण व सामाजिक प्रश्नांचे तातडीने निराकरण व्हावे करीता बुधवार ०१ जानेवारी २०२५ या नव्या वर्षी येथे “युवाशक्ती संघटना” स्थापित करण्यात आली. याचे सेंदूरवाफा चौकात फलक अनावरण व वृक्षारोपण सोहळा पार पडला.
श्री गजानन महाराज मंदिर, श्री हनुमान मंदिर, तथागत बौद्ध विहार येथे संघटनेच्या युवकांनी पुजा अर्चना केली. महामार्ग पॉलीटेक्निक रोड चौकात फलक अनावरण प्रसंगी ज्येष्ठ नागरिक पांडुरंग काळसर्पे, जगनराव इठोले, संस्थापक अध्यक्ष राधेश्याम मुंगमोडे हे हजर होते. बोलतांना मुंगमोडे यांनी सांगितले की, युवाशक्ती संघटना युवकांची व सर्वधर्मीय सामाजिक संघटना आहे. प्रत्येक शिक्षित होतकरू व कष्टकरी तरूणाला जर न्याय मिळत नसेल तर त्याच्या पाठीशी ही संघटना खंबीरपणे उभे राहून होत असलेल्या अन्यायावर व भ्रष्टाचाराचा बिमोड करीत सर्वसामान्याला न्याय मिळवून देणे हाच या संघटनेचा मुख्य उद्देश आहे. ते म्हणाले की, आज साकोली सेंदूरवाफा क्षेत्रात असंख्य युवा बेरोजगारांची जणू फौज उभी झाली आहे. त्यांना त्यांच्या रोजगाराचा न्याय हक्क मिळवून देणे हाच आमचा सदैव संकल्प राहील असे अध्यक्ष राधेश्याम मुंगमोडे यांनी सांगितले. याप्रसंगी हनुमान मंदिर परिसरात विविध वृक्ष लागवड करून सामुहिक वृक्षारोपण करण्यात आले.
या नविन वर्षाच्या अभिनव सोहळ्याला युवाशक्ती संघटनेचे
प्रभाग प्रमुख तुषार जांभूळकर, सहप्रमुख शुभम गभणे, पंकज झोडे, संघटक, विवेक काशिवार, निखील नेवारे, अक्षय रहांगडाले, विक्रम इटवले, विजय भलावी, विवेक काशिवार, महेंद्र सुर्यवंशी यांसह रोहित टेंभुर्णे, मिलन जांभुळकर, प्रज्वल गभने, नंदकिशोर पटले, धीरज वघारे, सतीश शेंडे, विनोद डोंगरवार, राहुल दाते, सद्दाम अन्सारी, उमाकांत नंदूरकर, मित परमार, लोकेश इटोले, गौरव ठाकरे, रुपेश इटोले, पवन सूर्यवंशी, आशिष डोंगरवार, सुमित धुर्वे, प्रकाश बावणे, किशोर कापगते व सर्व युवाशक्ती संघटनेचे शंभराहून अधिक सदस्यगण आणि नागरीक यावेळी उपस्थित होते.
