आशाताई बच्छाव
परळीत वैद्यनाथ मंदिर परिसरातील फाटकाचा विषय न.प. मुख्याधिकाऱ्याकडून दुर्लक्षित – अँड.मनोज संकाये
वारंवार निवेदने देऊनही लोकहिताची मागणी मान्य होईना!
मोहन चव्हाण
ब्युरो चीफ बीड जिल्हा
बीड/परळी दि:२६ नोव्हेंबर २०२४ परळी शहरातील प्रभू वैद्यनाथ मंदिर बारा ज्योतिर्लिंगापैकी पाचवे ज्योतिर्लिंग म्हणून परळीची ओळख आहे. याच परळीमध्ये मुख्याधिकाऱ्याचा मनमानी कारभार सुरू आहे. वारंवार निवेदने देऊन सुद्धा मंदिर परिसरातील फाटक बसवण्याची हिंमत मुख्याधिकारी साहेब दाखवतील का असा प्रश्न सामान्य परळीकरांना भेडसावत आहे. याबाबत वारंवार पाठपुरावा करूनही लोकहिताच्या मागणीकडे दुर्लक्ष मुख्याधिकारी करत आहेत असा आरोप सामाजिक कार्यकर्ते अँड. मनोज संकाये यांनी केला आहे. याबाबत सविस्तर वृत्त असे की, महाराष्ट्रामध्ये विधानसभा निवडणुकीची आचारसंहिता जाहीर लागण्यापूर्वी या विषयासंदर्भात निवेदने मित्र मंडळाच्या वतीने असंख्य युवकांच्या साक्षीने देण्यात आली. जिल्हाधिकारी साहेबांना सुद्धा निवेदने दिली आहेत तरीसुद्धा नगरपालिकेचे मुख्याधिकारी साहेब याकडे साप दुर्लक्ष करत आहेत. मंदिर परिसरातील दक्षिणमुखी गणपती मंदिर आणि नगरपालिके समोर या संदर्भात पाच फुटाचे खड्डे खंदले आहेत मात्र लोखंडी फाटक बसविण्याची कार्यवाही होताना दिसत नाही. या खड्ड्यांमध्ये लहान मुले आणि आबाल वृद्ध नागरिक पाडण्याची भीती आहे. परळीकरांमध्ये सुद्धा याबाबत सकारात्मक प्रतिसाद आहे. लोकहिताचे कामे करण्यासाठी लोक नगरपालिकेतील प्रतिनिधींना निवडून देतात मात्र एकही प्रतिनिधी या बाबतीमध्ये बोलण्यास तयार नाही याचा अर्थ त्यांना लोकहिताचे काही देणे घेणे नाही का असा प्रश्न सामान्य परळीकरांच्या मनामध्ये आहे. या रस्त्यावरून मोठी वाहतूक आहे जड वाहनांची वाहतूक यामुळे येथे कोंडी होते. या रोड वरून जीव मुठीत धरून नागरिकांना जावे लागते त्यामुळे त्यांच्या सुरक्षिततेसाठी लोखंडी फाटक बसवणे अत्यंत गरजेचे आहे या लोकहिताच्या मागणीचा गांभीर्यपूर्वक मुख्याधिकारी साहेबांनी विचार करावा आणि त्वरित कारवाई करून फाटक बसवण्याचे काम त्वरित सुरू करावे अन्यथा नगरपालिकेसमोर आंदोलन करण्यात येईल असा इशारा त्यांनी दिला आहे.
